ირმა ნადირაშვილი კობა გვენეტაძეს - თქვენ ნასიამოვნები ხართ იმ საქმით, რაც „თიბისის“ დამართეთ - ცუდად მოიქეცით, თქვენი საქციელი ვერ ჩაივლის უკვალოდ

თქვენ ნასიამოვნები ხართ იმ საქმით, რაც „თიბისი ბანკსა“ და მამუკა ხაზარაძეს დამართეთ, - ამ სიტყვებით „ევროპული საქართველოს“ წევრმა ირმა ნადირაშვილმა ეროვნული ბანკის პრეზიდენტს კობა გვენეტაძეს პარლამენტის პლენარულ სხდომაზე მიმართა. ნადირაშვილის თქმით, კობა გვენეტაძის საქციელი უკვალოდ არ ჩაივლის.

„თქვენ ნასიამოვნები ხართ იმ საქმით, რაც „თიბისი ბანკსა“ და მამუკა ხაზარაძეს დამართეთ. მე არ ვიცი, ეს რატომ გააკეთეთ, შესაძლოა, ეს მაღალი შემოსავლების შესანარჩუნებლად, შეიძლება იმიტომ, რომ მართლა ვერ გაუძელით ზეწოლას... არ ვიცი, მაგრამ ძალიან ცუდად მოიქეცით. თქვენი საქციელი ვერ ჩაივლის უკვალოდ. თქვენ აუცილებლად მოგიწევთ კითხვებზე პასუხის გაცემა, რატომ არ დაუდეგით გვერდში ამ ფინანსურ ინსტიტუტს და რატომ არ გააკეთეთ ყველაფერი, რომ არ დამდგარიყო ის შედეგი, რომელიც დადგა,“ - მიმართა ნადირაშვილმა კობა გვენეტაძეს.

გარდა ამისა, დეპუტატმა ეროვნული ბანკის პრეზიდენტი საბანკო რეგულაციების გამოც გააკრიტიკა. ნადირაშვილმა იმედი გამოთქვა, რომ როდესაც ხელისუფლება აღნიშნული რეგულაციების გაუქმებას გადაწყვეტს, კობა გვენეტაძეს აზრს არ ჰკითხავენ.

„რა თქმა უნდა, აქაც მოიქეცით ტრადიციულად. საერთოდ არ გიფიქრიათ, რა შედეგი მოყვებოდა. ჯერ ნაბიჯებს გადადგამთ და შემდეგ იწყებთ ფიქრს, რა შეიძლება ამას მოჰყვეს. თუმცა იქაც ვერ ფიქრობთ ერთნაირად. ფინანსთა მინისტრი გამოდის და ერთს ამბობს, პრემიერ-მინისტრი გამოდის და მეორეს, რომ შეიძლება გადახედონ ამ რეგულაციებს, თქვენ გამოდიხართ და ამბობთ, რომ 6-9 თვე არაფერი არ არის და ამბობთ, რომ ადამიანები გაუძლებენ. აქაც იმედი მაქვს, რომ ისევე როგორც ამ რეგულაციების შემოღება არავინ არ გკითხათ, როცა გააუქმებენ, ამასაც არავინ გკითხავთ“, - განაცხადა ნადირაშვილმა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)