კობა გვენეტაძე - ისეთ ფაქტებზე ვისაუბრე, რომელთა შესახებ საზედამხედველო ორგანოები საჯაროდ არ საუბრობენ - დიდი იმედი მაქვს, ეს ბოლო შემთხვევა იქნება

ისეთ ფაქტებზე ვისაუბრე, რომელთა შესახებ საზედამხედველო ორგანოები საჯაროდ არ საუბრობენ - დიდი იმედი მაქვს, ეს ბოლო შემთხვევა იქნება, - აღნიშნული განცხადება პარლამენტის ტრიბუნიდან, დასკვითი სიტყვით გამოსვლისას ეროვნული ბანკის პრეზიდენტმა კობა გვენეტაძემ გააკეთა.

„ვფიქრობ, 5 აპრილის სხდომაზე ჩემი სიტყვით გამოსვლა ამომწურავი იყო. ძალიან ბევრ დეტალსა თუ ფაქტზე ვისაუბრე - მათ შორის ისეთ ფაქტებზე, რომელთა შესახებ როგორც წესი, საზედამხედველო ორგანოები საჯაროდ არ საუბრობენ და არც უნდა საუბრობდნენ! დიდი იმედი მაქვს, ეს ბოლო შემთხვევა იქნება, როდესაც ასეთ საკითხებზე საჯაროდ ვსაუბრობ. ამის მიუხედავად, ეს დეპუტატების ნაწილისათვის საკმარისი მაინც არ აღმოჩნდა - დეპუტატების ნაწილის დარწმუნება შევძელი, ნაწილის - ვერა. ზოგიერთი დეპუტატი გავანაწყენე კიდეც, თუმცა რას ვიზამთ, ერთია პოლიტიკოსის ტვირთი და მანდატი, მე კი ჩემი უფლებამოსილება და მანდატი მაქვს“, - განაცხადა გვენატაძემ.

მან დღეს აღნიშნა ისიც, რომ პარლამენტის სხდომაზე ბევრი არასამართლიანი ბრალდება მოისმინა, რომელსაც ეროვნული ბანკის აპოლიტიკური მანდატიდან გამომდინარე ვერ გამოეხმაურება და შეფასებას ვერ გააკეთებს.

კობა გვენეტაძის მოსმენას ორი პლენარული სხდომა დაეთმო. მან “თიბისი ბანკთან“ დაკავშირებით ეროვნული ბანკის მიერ მიღებული გადაწყვეტილებებისა და 2019 წლის 1 იანვარს შემოღებულ საცალო დაკრედიტების რეგულაციების შესახებ ისაუბრა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა