მაია ცქიტიშვილი - სამთავრობო სტრატეგიაზე საუბრისას მნიშვნელოვანია კომპლექსურობის შენარჩუნება, რათა მივიღოთ ის შედეგი, რასაც ველოდებით

საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა დღეს მონაწილეობა მიიღო საერთაშორისო კონფერენციაში „სოფლის განვითარების პოლიტიკა 2020+. ევროპული პრაქტიკის დანერგვა საქართველოში“. ამის შესახებ „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.

მათივე ინფორმაციით, დისკუსიის პანელზე მაია ცქიტიშვილმა სოფლის განვითარების მიმართულებით არსებულ ხედვასა და სახელმწიფოს სტრატეგიაზე ისაუბრა.

„ყველა ის აქტივობა, რომელსაც მთავრობა ან ადგილობრივი თვითმმართველობა ახორციელებს, არის ერთმანეთთან დაკავშირებული. ძალიან მნიშვნელოვანია კომპლექსურობის შენარჩუნება იმისთვის, რომ მივიღოთ ის შედეგი, რასაც ყველანი ველოდებით. სოფლის განვითარების სტრატეგიაც შეუძლებელია წარმატებული იყოს განათლების განვითარების, ფისკალური დეცენტრალიზაციის, მმართველობითი სისტემების დახვეწის, ეკონომიკური აქტივობის და საწარმოო სიმძლავრეების გაზრდის გარეშე. ეს არის მიდგომა, რომელიც ასახულია თითოეული სამინისტროს სტრატეგიაში და ამავდროულად არის ურთიერთდაკავშირებული, რაც უზრუნველყოფს რეგიონების უფრო სწრაფ განვითარებას,“ - განაცხადა მაია ცქიტიშვილმა.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა