ლიბიაში მყოფი ქართველი მეზღვაურების ოჯახის წევრები საგარეო საქმეთა სამინისტროში უწყების წარმომადგენლებს ხვდებიან

ლიბიაში მყოფი ქართველი მეზღვაურების ოჯახის წევრები საგარეო საქმეთა სამინისტროში უწყების წარმომადგენლებს ხვდებიან.

ერთ-ერთი მეზღვაურის რაულ ტაკიძის მამის ფრიდონ ტაკიძის თქმით, ისინი უწყებისგან პასუხს ითხოვენ, თუ რა დახმარებას გაუწევს სამინისტრო ქართველ მეზღვაურებს.

„საგარეო საქმეთა სამინისტროში შევდივართ, რომ გავიგოთ რას დაგვპირდება და რით დაგვეხმარებიან ჩვენი ბიჭების დაბრუნებისთვის. სამუშაო ფორმატის სახე ექნება ამ შეხვედრას. ჩემი შვილი წნეხის ქვეშ არ არის, ე.წ. შიდა პატიმრობაშია უკვე ოთხი თვეა და გამოძიება არ მთავრდება, ჭიანურდება. არანაირი ადვოკატი არ ჰყავთ. თურქეთის საელჩოს წარმომადგენელი არის იქ და ამხნევებს, რომ ყველაფერი დამთავრდება",-აცხადებს ფრიდონ ტაკიძე.

ლიბიაში მყოფი ქართველი მეზღვაურების ოჯახის წევრები საგარეო საქმეთა სამინისტროსთან 15:00 საათზე შეიკრიბნენ. მეზღვაურების ოჯახის წევრები, საგარეო საქმეთა სამინისტროს უყურადღებობაში ადანაშაულებენ და უწყებისგან ითხოვენ ორი ქართველი მეზღვაურის - რაულ ტაკიძისა და მანუჩარ კეკელიძის მიმართ ყურადღება გამოიჩინონ. აქციის მონაწილეებს შეხვდა საგარეო საქმეთა სამინისტროს წარმომადგენელი ვლადიმერ კონსტანტინიდი, რომელმაც შეხვედრის სამუშაო ფორმატში გაგრძელება სთხოვა.

დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
ქართული პრესის მიმოხილვა 19.11.2019
ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის