აბსოლუტურად ყველა ჩვენგანის, განსაკუთრებით, სახელისუფლებო გუნდის ინტერესია, რომ ია კერზაიას საქმეზე გამოძიება მაქსიმალურად დროულად დასრულდეს, - ამის შესახებ განათლების, მეცნიერებისა და კულტურის კომიტეტის თავმჯდომარე მარიამ ჯაშმა განაცხადა.

„ჩვენმა კოლეგებმა, რომლებიც აგრეთვე ბაჩანა შენგელიას მეგობრები და კოლეგები არიან, პირველივე დღეებიდან ეს განცხადება გაავრცელეს. საკომიტეტო მოსმენის ფარგლებში ჩვენ ორჯერ გვქონდა უშუალოდ ამ თემასთან დაკავშირებით განხილვა და ბუნებრივია, რომ არის აბსოლუტურად ყველა ჩვენგანის ინტერესი, განსაკუთრებით სახელისუფლებო გუნდის, რომ მაქსიმალურად დროულად იყოს გამოძიება დასრულებული. სახელმწიფო პირველ რიგშია დაინტერესებული ამ შემთხვევაში და სხვა ნებისმიერ საკითხებთან დაკავშირებით, რომელზეც შეიძლება, ჩნდებოდეს კითხვები, რომ მათ მაქსიმალურად მალე გაეცეთ პასუხი",- განაცხადა ჯაშმა.