სუს-ში მისაღები კადრები სპეციალური მომზადების კურსს შსს-ს აკადემიის ნაცვლად, სახელმწიფო უსაფრთხოების სამსახურის შესაბამის დაწესებულებაში გაივლიან

სუს-ში, სხვადასხვა თანამდებობაზე მისაღები კანდიდატები სპეციალური მომზადების საგანმანათლებლო კურსს შსს-ს აკადემიის ნაცვლად, სახელმწიფო უსაფრთხოების სამსახურის შესაბამის დანაყოფში გაივლიან.

ცვლილებები “საქართველოს სახელმწიფო უსაფრთხოების სამსახურის შესახებ“ კანონში შედის, რომლის ინიციატორები არიან დეპუტატები: სიმონ ნოზაძე, ირაკლი სესიაშვილი, ირაკლი ბერაია, კობა კობალაძე, კობა ნარჩემაშვილი, გია ბენაშვილი, გიორგი გაჩეჩილაძე და ლევან გოგიჩაიშვილი. კანონპროექტი მიზნად ისახავს საქართველოს სახელმწიფო უსაფრთხოების სამსახურმა თავად განახორციელოს შესაბამისი კადრების მომზადება, გადამზადება და კვალიფიკაციის ამაღლება.

“სახელმწიფო უსაფრთხოების სამსახურისათვის, მისი ფუნქციონირების გარდამავალ ეტაპზე, აუცილებელი იყო, ესარგებლა საქართველოს შინაგან საქმეთა სამინისტროს რიგი სერვისების გამოყენებით, მათ შორის შსს-ს აკადემიაში სპეციალური პროფესიული განათლების მიღებით. შინაგან საქმეთა სამინისტროს აკადემიას კანონით დაევალა, რომ განეხორციელებინა სახელმწიფო უსაფრთხოების სამსახურის მოსამსახურეთა მომზადება, გადამზადება და კვალიფიკაციის ამაღლება.

ამ ეტაპზე საჭიროება მოითხოვს, სახელმწიფო უსაფრთხოების სამსახურის შემადგენლობაში შეიქმნას და განვითარდეს ცვალებად გარემოსთან შესაბამისობაში მყოფი, უსაფრთხოების სისტემისთვის მაღალკვალიფიციური პერსონალის უწყვეტად მომზადება-გადამზადების განმახორციელებელი სპეციალური მომზადების ცენტრი“, - ნათქვამია კანონპროექტის განმარტებით ბარათში.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა