„5/35 - ოქროს ბურთის“ ჯეკპოტი 6 აპრილს გათამაშდა და მისი მფლობელი პენსიონერი რუსთავიდან ნანული ოსიტაშვილი გახდა. საქართველოს ეროვნული ლატარიის ინფორმაციით, მოგებულმა „5/35 - ოქროს ბურთის“ ერთი ბილეთი ერთ ლარად, 6 აპრილს, რუსთავში მდებარე საქართველოს ეროვნული ლატარიის ჯიხურში შეიძინა და იმავე საღამოს 129 751 ლარის მფლობელი გახდა.

„როგორც ქალბატონი ნანული ამბობს, მას საკუთარი ბინა არ აქვს და, შვილთან ერთად, ნაქირავებში ცხოვრობს. მოგებული ჯეკპოტით კი ბინის შეძენას აპირებს.

კომპანია ქალბატონ ნანული ოსიტაშვილს „5/35 - ოქროს ბურთში“ მოგებულ ჯეკპოტს უახლოეს დღეებში გადასცემს და ამ თანხით ის დიდი ხნის ოცნების ასრულებას შეძლებს - საკუთარ ბინას შეიძენს.

საქართველოს ეროვნული ლატარია ულოცავს „5/35 - ოქროს ბურთის“ ჯეკპოტის მფლობელს მოგებას და კიდევ ბევრ წარმატებას უსურვებს“, - ნათქვამია ინფორმაციაში.