თსუ-ში ზვიად გამსახურდიას 80 წლისთავისადმი მიძღვნილი გამოფენა გამოიფინა

ივანე ჯავახიშვილის სახელობის თბილისის სახელმწიფო უნივერსიტეტში ზვიად გამსახურდიას ცხოვრებისა და მოღვაწეობის ამსახველი ფოტოები, საარქივო მასალები, ხელნაწერები, წიგნები, თარგმანები, სამეცნიერო სტატიები და სხვა დოკუმენტები გამოიფინა, რომელთა უდიდეს ნაწილს ფართო საზოგადოება პირველად იხილავს. თსუ-ს ინფორმაციით, გამოფენის გახსნას თსუ-ს რექტორის მოადგილე ალექსანდრე ცისკარიძე, პროფესორები, სტუდენტები და მოწვეული სტუმრები დაესწრნენ.

„გამოფენა უნიკალურია, რადგანაც წარმოდგენილია ძალიან საინტერესო მასალა, რომელიც ზვიად გამსახურდიას ცხოვრებასთან, მის მოღვაწეობასთან, საქმიანობასთან არის დაკავშირებული - დაწყებული დისიდენტური პერიოდიდან, დამთავრებული მისი ძალიან ღრმა და შინაარსიანი ლიტერატურული, ესეისტური, ფილოსოფიური თხზულებებით. ძალიან ბევრი მასალა, რომელიც მოიპოვეს ჩვენმა სტუდენტებმა, პირველად არის წარმოდგენილი ფართო საზოგადოების წინაშე და ვფიქრობ, დამთვალიერებელი ბევრ სიახლეს აღმოაჩენს ასეთი მნიშვნელოვანი პოლიტიკური ფიგურის, ლიტერატორისა და საზოგადო მოღვაწის შესახებ“, - აღნიშნა თსუ-ს რექტორის მოადგილემ ალექსანდრე ცისკარიძემ.

„ექსპოზიციაზე დამთვალიერებელს შეუძლია ზვიად გამსახურდიას ცხოვრებასა და მოღვაწეობასთან დაკავშირებული მნიშვნელოვანი დოკუმენტებისა და მასალების დათვალიერება. დღეს ძალიან მნიშვნელოვანია მსგავსი ღონისძიებების მოწყობა, რადგან დროა ,დავიწყოთ საუბარი ეროვნულ მოძრაობაზე, ზვიად გამსახურდიაზე, პიროვნებაზე, რომელმაც საქართველოს დამოუკიდებლობასა და თავისუფლებას შესწირა საკუთარი სიცოცხლე. ის მთელი ცხოვრება ამისათვის იბრძოდა, სწორედ ეს იდეები გვჭირდება ჩვენ -ახალგაზრდებსა და მომავალ თაობას“, - განაცხადა თსუ-ს სტუდენტმა, გამოფენის ორგანიზატორმა გიორგი არქანიამ.

როგორც ინფორმაციაშია ნათქვამი, გამოფენაზე დოკუმენტების უმეტესობა წარმოდგენილია ორიგინალის სახით. მათ შორის: 1956 წელს დაპატიმრებულ „გორგასლიანის“ წევრთა საქმის მასალები, 1977 წელს ზვიად გამსახურდიას მიერ იზოლატორში დაწერილი წერილები (ხელნაწერები), ზვიად გამსახურდიას წერილები ვიქტორ ნოზაძეს (ხელნაწერები), 1970-იან წლებში გამოცემული არალეგალური დისიდენტური გამოცემები („ოქროს საწმისი“, „საქართველოს მოამბე“) და სხვა. ექსპოზიციაზე გამოიფინება მასალები, რომელიც დაცულია თსუ ბიბლიოთეკასა და მუზეუმში, შსს არქივში, პირად კოლექციებში.

„ძალიან სასიამოვნოა, რომ ეს გამოფენა ეწყობა უნივერსიტეტში, რადგან ახალგაზრდობას მრავალი წელი უმალავდნენ დამოუკიდებლობის დღესაც, 31 მარტსაც, ზვიადის მოღვაწეობასაც. თვითონ ზვიად გამსახურდია არღვევს პერსპექტივის კანონს, ანუ საგანი, რაც უფრო შორს არის, პატარა ჩანს, ზვიად გამსახურდია კი რაც უფრო დაგვშორდება დროში, მით უფრო დიდი გამოჩნდება,“- აღნიშნა საქართველოს უზენაესი საბჭოს წევრმა ნემო ბურჭულაძემ.

ღონისძიების ორგანიზატორია თსუ, უახლესი ისტორიის ცენტრი და შსს არქივი. გამოფენა ზვიად გამსახურდიას დაბადების 80 წლისთავისადმი მიძღვნილი კვირეულის ფარგლებში გაიმართება და 12 აპრილამდე გასტანს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ