მარტივი პასუხი თქვენ რთულ კითხვაზე არ არსებობს, - ასე უპასუხა ყოფილმა საგარეო საქმეთა მინისტრმა ირაკლი მენაღარიშვილმა „ინტერპრესნიუსს“ კითხვას, რომელიც ამერიკის მხრიდან ირანის ისლამური რევოლუციის გუშაგთა კორპუსი ტერორისტულ ორგანიზაციად ცნობას და ამ პროცესში საქართველოს პოზიციას შეეხებოდა.
„მარტივი საკითხი არ არის ნამდვილად. ირანთან ჩვენ კარგი ურთიერთობები გვაქვს, მაგრამ მეორეს მხრივ საქმე ეხება ისეთ თემებს როგორიც არის ტეროტიზმი, ჩვენი სტრატეგიული ურთიერთობები ამერიკასთან და ა.შ. ასე გიპასუხებთ: მარტივი პასუხი თქვენ რთულ კითხვაზე არ არსებობს. ამაზე დაფიქრებაა საჭიროა, მაგრამ რაც შეიძლება სწრაფად. ჩვენ პირობებში ქვეყანას უნდა ჰქონდეს თავისი მოსაზრებები ამ თემაზე. ზოგადად საერთაშორისო ურთიერთობებში და დიპლომატიაში შავი და თეთრი გადაწყვეტილებები ძალიან იშვიათად არის, მაგრამ არის პრინციპული საკითხები სადაც უბრალოდ საუბარიც კი არ არის პოზიციების შეცვლასა და დათმობაზე. ეს ის სიტუაციაა როდესაც ქართულმა მხარემ კარგად უნდა მოიფიქროს და ისე ჩამოაყალიბოს თავისი პოზიცია. მე იმედი მაქვს რომ ამას მოახერხებს“,- განაცხადა მენაღარიშვილმა.
შეგახსენებთ აშშ-მა ირანის ისლამური რევოლუციის გუშაგთა კორპუსი ტერორისტულ ორგანიზაციად სცნო. ამის შესახებ განცხადება აშშ-ს პრეზიდენტმა დონალდ ტრამპმა გააკეთა.