მართლაც ფასდაუდებელია იმ ადამიანების წვლილი, რომლებმაც თავი დადეს 9 აპრილს. ქედს ვიხრი მათი ხსოვნის წინაშე, - ამის შესახებ საგარეო უწყების ხელმძღვანელმა დავით ზალკალიანმა 9 აპრილის მემორიალთან განაცხადა.
„საქართველოს ისტორიაში ყოფილა მომენტები, როცა ერი გაერთიანებული იყო. სწორედ ასეთი იყო 9 აპრილი. მაშინ 21 წლის სტუდენტი სწორედ აქ ვიყავი ჩემს მეგობრებთან ერთად და განსაკუთრებული ემოცია მაკავშირებს ამ დღესთან. მაშინ დაიწყო ბრძოლა თავისუფლებისთვის, დამოუკიდებლობისთვის და ვფიქრობ, ეს ბრძოლა ჯერ კიდევ არ არის დასრულებული, რადგან საქართველოს აქვს დაუსრულებელი ამოცანა იყოს ევროპის და ევროატლანტიკური სტრუქტურის სრულფასოვანი წევრი. სწორედ აქეთ არის ჩვენი მცდელობები მიმართული“, - განაცხადა მინისტრმა.