9 აპრილი არის დღე, რომელმაც დამოუკიდებლობამდე მიგვიყვანა, - ამის შესახებ „ნაციონალური მოძრაობის" წევრმა ზაალ უდუმაშვილმა 9 აპრილის მემორიალთან განაცხადა.

მისი თქმით, ეს არის უმნიშვნელოვანესი დღე საქართველოს უახლოეს ისტორიაში.

„ეს არის თარიღი, რომელმაც საფუძველი დაუდო იმ პროცესებს, რომელმაც მიგვიყვანა იქამდე, რომ შევძელით სახელმწიფოებრივი დამოუკიდელობის აღდგენა. 9 აპრილი არის სიმბოლო იმისა, თუ როგორ უნდა იყოს ერთად საქართველო ერთიანი დამოუკიდებლობისთვის ბრძოლაში. 9 აპრილიდან 30 წელი გავიდა, თუმცა ბრძოლა საქართველოს ერთიანობისთვის დღესაც გრძელდება",- განაცხადა უდუმაშვილმა.