სახალხო დამცველი - ია კერზაიას საქმეს ვსწავლობთ და ბევრი გარემოება ეჭვს იწვევს

ია კერზაიას საქმეს ვსწავლობთ და ძალიან ბევრი გარემოება ეჭვს იწვევს,- აცხადებს სახალხო დამცველი ნინო ლომჯარია ზუგდიდის მეექვსე სკოლის ყოფილი დირექტორის საქმის შესახებ.

სახალხო დამცველის განცხადებით, ბევრი გარემოებაა, რაც ეჭვებს იწვევს და ამ ეჭვებზე პასუხის გასაცემად საჭიროა გამოძიება.

„ამ შემთხვევაში ჩასატარებელია ისეთი მოქმედებები, გარემოებების დასადგენად, რაც არის უკვე საგამოძიებო ორგანოების კომპეტენცია. მათ შორის ეს არის სხვადასხვა ტიპის ექსპერტიზების ჩატარება, მტკიცებულებების ამოღება, ადამიანების დაკითხვა და ა.შ. ეს არის ის საკითხები, რაზეც გამოძიებამ უნდა თქვას თავისი სიტყვა, თუმცა საეჭვო გარემოება გვხვდება მრავლად",- განაცხადა ლომჯარიამ.

შეგახსენებთ, რომ ზუგდიდის მეექვსე სკოლის დირექტორი ია კერზაია ინსულტის შედეგად გარდაიცვალა. კერზაიას შვილი ბაჩანა შენგელია დედის ჯანმრთელობის მდგომარეობის გაუარესებას მასზე განხორციელებულ პოლიტიკურ ზეწოლას უკავშირებდა, რომელსაც, მისი მტკიცებით, კერზაია ხელისუფლებისგან განიცდიდა. კერძოდ, ბაჩანა შენგელია, სკოლაში აუდიტის სამსახურის შესვლას პედაგოგზე ზეწოლად აფასებდა.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის