შალვა შავგულიძე ბიძინა ივანიშვილის წერილზე - ეს ცინიზმია, არ არის გულწრფელი ნათქვამი და ამას ქართული საზოგადოება სათანადოდ შეაფასებს

„თავისუფალი დემოკრატების" ლიდერი და მთაწმინდის მაჟორიტარობის კანდიდატი შალვა შავგულიძე „ქართული ოცნების" თავმჯდომარის, ბიძინა ივანიშვილის წერილს უსუსურს და ცინიკურს უწოდებს. როგორც შავგულიძე ამბობს, ივანიშვილის პოლიტიკურ არსენალში მხოლოდ საზოგადოების ურთიერთდაპირისპირებაა და ამ ფონზე ის საუბრობს საზოგადოების გაერთიანებაზე.

„უსუსური იყო იმ ნაწილში, სადაც ბატონი ივანიშვილი ცდილობდა „ქართული ოცნების“ ჩავარდნა ეკონომიკის სფეროში ერთის მხრივ აეხსნა თითქოსდა „ქართული ოცნებისავე“ მოტანილი ჭარბი დემოკრატიით და თითქოს, ამ ფონზე ვერ ჩანს ეკონომიკა ისე წარმატებული, მეორეს მხრივ მისი მცდელობა, რომ გადაებრალებინა ეს ჩავარდნა წინა ხელისუფლებებისათვის.

ცინიკურია იმ მომენტში, სადაც ბატონი ივანიშვილი საუბრობს იმაზე, რომ მიუხედავად განსხვავებული პოლიტიკური წარსულისა, უნდა გავერთიანდეთ, რომ ეშმაკი ყოფს და ა.შ. ეს მაშინ, როდესაც მის პოლიტიკურ არსენალში მხოლოდ საზოგადოების ურთიერთდაპირისპირება, ადამიანების ურთიერთმტრულად განწყობა და სიძულვილის და მტრული ატმოსფეროს მართვაა და სხვა არაფერი. ეს ცინიზმია, ეს არ არის გულწრფელი ნათქვამი და ამას ქართული საზოგადოება სათანადოდ შეაფასებს", - განაცხადა შალვა შავგულიძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა