გიორგი ქობულია 9 აპრილის მემორიალთან - 30 წლის წინ მე არ ვიყავი ამ მოედანზე, მაგრამ სულით და გულით ვიყავი აქ მდგომი ხალხის გვერდით

30 წლის წინ მე არ ვიყავი ამ მოედანზე, მაგრამ სულით და გულით ვიყავი აქ მდგომი ხალხის გვერდით, - ამის შესახებ ეკონომიკის მინისტრმა გიორგი ქობულიამ 9 აპრილის მემორიალთან განაცხადა.

მისივე თქმით, დღევანდელი დღე საქართველოს ისტორიაში არის ერთ-ერთი უმნიშვნელოვანესი.

„ჩვენ დღეს უნდა გავიხსენოთ და პატივი მივაგოთ იმ ადამიანების ხსოვნას, ვინც სიცოცხლის ფასად დაიცვა საქართველოს თავისუფლების იდეა და ეს იდეა რეალობად იქცა 2 წელიწადში. გავიდა 30 წელი და ჩვენ ვცხოვრობთ თანამედროვე, დემოკრატიულ ქვეყანაში. ჩვენ არასდროს უნდა დავივიწყოთ, რომ ამ ხალხმა სიცოცხლის ფასად დაიცვა ეს იდეა", - აღნიშნა ქობულიამ.

კითხვაზე, თუ სად იყო მინისტრი 30 წლის წინ 9 აპრილს, ქობულიას თქმით, ის საქართველოში იმყოფებოდა.

"მე ვიყავი საქართველოში. არ ვიყავი ამ მოედანზე, მაგრამ ვიყავი საქართველოში და მთელი ჩემი სულით და გულით ვიყავი ამ ხალხის გვერდით", - განაცხადა ქობულიამ.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა