საქართველოს პრეზიდენტის ადმინისტრაციის უფროსის, ლაშა ჟვანიას განცხადებით, პრეზიდენტი მზადაა ათონელის რეზიდენციაში პრესკლუბი გახსნას.
როგორც ჟვანიამ ჟურნალისტებს განუცხადა, პრესკლუბი ათონელზე მდებარე რეზიდენციის დასრულების შემდეგ გაიხსნება.
კითხვაზე, თუ რატომ არ აქვს პრეზიდენტს ხშირი კომუნიკაცია მედიასთან, როდესაც ამას თავად აცხადებდა, ჟვანიამ უპასუხა: "მხოლოდ დღეს, ბოლო 4 საათის განმავლობაში ორჯერ მქონდა კომუნიკაცია თქვენთან და უკვე მერვე კითხვაზე გპასუხობთ.გიდასტურებთ პრეზიდენტის მზაობას, გაკეთდეს გარკვეული პრესკლუბი მაშინ, როდესაც ათონელის რეზიდენცია დასრულდება. როგორც იცით, ახლა რემონტი მიმდინარეობს, როგორც გარე ფასადის, ასევე შიგნით".