ბიძინა ივანიშვილი -  როდესაც პრინციპულმა დეპუტატებმა სიაში ზარდიაშვილი ნახეს, რატომ არ განაცხადეს, ამ სიაში არ შემოვალთო? დღეს ისინი „ნაციონალური მოძრაობის“ თამაშს თამაშობენ

როდესაც პრინციპულმა დეპუტატებმა სიაში ზარდიაშვილი ნახეს, რატომ არ განაცხადეს, ამ სიაში არ შემოვალთო? დღეს ისინი „ნაციონალური მოძრაობის“ თამაშს თამაშობენ, - ამის შესახებ „ქართული ოცნების“ თავმჯდომარემ, ბიძინა ივანიშვილმა „იმედის“ ეთერში განაცხადა.

მისი თქმით, დეპუტატების პრინციპულობაში ეჭვი ეპარება, ვინაიდან მათ ზარდიაშვილი მხოლოდ ახლა გაახსენდათ, მაშინ როდესაც შეეძლოთ, რომ სიის ნახვის შემდგომ მასთან ერთად სიაში ჩაწერაზე უარი განეცხადებინათ.

„რაც შეეხება ჩვენი დეპუტატების პრინციპულობას, რომლებიც ზარდიაშვილს მუდამ გაიხსენებენ და ის მათთვის მიუღებელია, მათ პრინციპულობაში ძალიან დიდი ეჭვი მეპარება ელემენტარული მიზეზის გამო. თუ ისენი ასეთი პრინციპულები არიან, როდესაც სიაში შეიტანეს ზარდიაშვილი (და მე არ ვაყალიბებდი მაშინ სიას, მე ძალიან შორიდან ვაძლევდი რჩევვებს) და იქ ნახეს, რომ სიით არის შესული ბესელია, გედი ფოფხაძე, მაჟორიტარი იყო გოგიჩაიშვილი - არ აქვს მნიშვნელობა, ვინ შეიყვანა ზარდიაშვილი, ამ პრინციპულმა დეპუტატებმა, როდესაც ზარდიაშვილი სიაში ნახეს, ეს დაფარული ხომ არ იყო, რატომ არ განაცხადეს, ჩვენ ამ სიაში არ შემოვალთ, არ ჩავიწერებით, სანამ აქ იქნება ზარდიაშვილიო? მესამე წელიწადი მთავრდება, სად იყვნენ ამდენ ხანს? რატომ გაახსენდათ ახლა ზარდიაშვილი და რატომ გაახსენდათ იმ ფონზე, როდესაც „ნაციონალურმა მოძრაობამ“ ნახა ახალი შესაძლებლობა, დაენგრია სასამართლო თავისი მართული „ენჯეოებით“, დიდი შეტვა განახორციელა სასამართლოზე და გრძელდება ეს პროცესი. რატომ ჩაერთვნენ ისინი ახლა ამ პროცესში და თავის დროზე რატომ არ განაცხადეს ეს პრინციპულობა? რატომ არ განაცხადა გედი ფოფხაძემ, რომ მე არ შევალ მაგ სიაში, სადაც ზარდიაშვილიაო? ერთი ხმა არ ამოუღია არც ერთს, არც საჯაროდ და არც შიგნით მე ეს არ გამიგია. სხვებისგან გამიგია, ვიღაცები ამას აპროტესტებდნენ, მაგრამ არა ესენი. ეს მაქვს მხედველობაში, რომ დღეს რეალურად ისინი თამაშობენ „ნაციონალური მოძრაობის“ თამაშს. შიგნით როდესაც გარჩევები გვქონდა, როდესაც მიანიშნებდნენ მათ თანაგუნდელები, რომ ეს „ნაციონალური მოძრაობის“ წისქვილზე ასხამს წყალს, რომ არავითარი არგუმენტი და არავითარი საფუძველი თქვენ არ გაქვთ, ასე ტოტალურად სასამართლო შეარყიოთო. ისინი აღშფოთდებოდნენ და კითხულობდნენ, ასეთი ეჭვი გაქვთო? მე კი ვეუბნებოდი, რომ არა, მაგრამ ამას რატომ აკეთებთ? მე დღესაც აქ ვარ“, - განაცხადა ბიძინა ივანიშვილმა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა