დიმიტრი ცქიტიშვილი - ქალისა და კაცის არათანაბარი ანაზღაურების საკითხი საკანონმდებლო დონეზე დარეგულირდება

ქალისა და კაცის არათანაბარი ანაზღაურების საკითხი საკანონმდებლო დონეზე დარეგულირდება, - ამის შესახებ „ინტერპრესნიუსს" საპარლამენტო უმრავლესობის წევრმა დიმიტრი ცქიტიშვილმა განუცადა.

ცქიტიშვილის თქმით, სამწუხაროა, რომ ქალისა და კაცის ანაზღაურებას შორის 40%-იანი სხვაობაა საქართველოში და ამ კუთხით სხვა ქვეყნებს მნიშვნელოვნად ჩამოვრჩებით.

მისი თქმით, პრობლემის გადაჭრის ერთ-ერთი გზა თანაბარი ანაზღაურების საკანონმდებლო დონეზე დარეგულირებაა და კანონში მსგავსი ჩანაწერი მას შემდეგ გაჩნდება, რაც დასრულდება კვლევა, რომელიც არათანაბარი ანაზღაურების მიზეზებს სწავლობს.

„პრობლემის გადასაჭრელად ერთი მიდგომაა, რომ საკანონმდებლო დონეზე თანაბარი ანაზღაურების შესახებ გადაწყვეტილება კანონში ჩაიწეროს, თუმცა, მხოლოდ ჩანაწერი პრობლემას ბოლომდე ვერ მოაგვარებს. მიმდინარეობს კვლევები იმისთვის, რომ ზუსტად განისაზღვროს რომელ სექტორებში და რა მიზეზებითაა განსხვავებები და ამის შემდეგ შევძლებთ, როგორც ადმინისტრაციული, ისე საკანონმდებლო ნაბიჯების გადადგმას, თუმცა კვლავ დარჩება კულტურული ასპეტები, ტრადიციულად ქალის და კაცის სამუშაოებად დაყოფა, რაც ასევე ეტაპობრივად უნდა შეიცვალოს. საჭიროა არა დეკლარირებულად, არამედ რეალურად აღმოიფხვრას ეს პრობლემა", - განაცხადა ცქიტიშვილმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ