ზაზა გაბუნია -კომიტეტი არ ეთანხმება ინიციატივას, რომლის თანახმადაც,  დაცული ლანდშაფტის ტერიტორიაზე ენერგეტიკური ობიექტების მშენებლობა  დასაშვები ხდება

პარლამენტის რეგიონული პოლიტიკისა და თვითმმართველობის პოლიტიკის თავმჯდომარის ზაზა გაბუნიას განმარტებით, კომიტეტი არ ეთანხმება მთავრობის საკანონმდებლო ინიციატივას, რომლის თანახმადაც, დაცული ლანდშაფტის ტერიტორიაზე მასშტაბური ენერგეტიკური ობიექტების მშენებლობა ხდება დასაშვები.

როგორც გაბუნიამ ჟურნალისტებთან საუბრისას განმარტა, კომიტეტი ჩანაწერის წარმოდგენილ ფორმულირებას მხარს არ უჭერს და ამ თემაზე დისკუსია უნდა გაგრძელდეს.

„ბუნდოვანება უნდა გაიფანტოს და ჩანაწერი დაზუსტდეს. საკანონმდებლო პაკეტის წარმომდგენ სამინისტროსთან კონსულტაციების შედეგად გამოჩნდა, რომ ჩვენს შეთავაზებას ინიციატორიც იზიარებს“, - აღნიშნა ზაზა გაბუნიამ.

შეგახსენებთ, რომ „დაცული ტერიტორიების სისტემის შესახებ კანონში დაგეგმილი ცვლილების ავტორი გარემოს დაცვისა და სოფლის მეურნეობის სამინისტროა.

პროექტი მთავრობამ პარლამენტს საკანონმდებლო პაკეტის სახით წარუდგინა, რომლის ფარგლებშიც ასევე გათვალისწინებულია არაგვისა და თრუსოს დაცული ლანდშაფტების შექმნა.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა