გიორგი კანდელაკი - პრემიერის ევროსაბჭოს საპარლამენტო ასამბლეაზე გამოსვლით იმედგაცრუებული ვარ - მისი პასუხები კი იმდენად სუსტი იყო, რომ მე ვიგრძენი თავი არაკომფორტულად

მე, როგორც საქართველოს მოქალაქე, პრემიერის გამოსვლით იმედგაცრუებული ვარ, - ასე შეაფასა „ევროპული საქართველოს“ წევრმა გიორგი კანდელაკმა საქართველოს პრემიერ-მინისტრ მამუკა ბახტაძის ევროსაბჭოს საპარლამენტო ასამბლეაზე გამოსვლა.

მისი თქმით, საქართველოს პრემიერ-მინისტრმა არ გამოიყენა ეს მნიშვნელოვანი ტრიბუნა იმისათვის, რათა ცივილიზებული სამყაროსთვის მოეწოდებინა, რომ ჩვენი თემატიკა, ოკუპირებული ტერიტორიების და დევნილების თემატიკა შეტანილ იქნას ევროკავშირის სანქციებში რუსეთის წინააღმდეგ.

„ეს პრემიერმა არ მოითხოვა. აქ პარლამენტარები არიან და ისინი ახდენენ საკუთარ ქვეყნებში საგარეო პოლიტიკური დღის წესრიგის ფორმირებას. პრემიერმა არ სთხოვა მათ, რომ ევროპელი ლიდერები როცა ხვდებიან რუსეთის ლიდერებს, იქ დადგეს საქართველოს საკითხი. ასეთი თხოვნა თუ მოთხოვნა არ წამოწეულა პრემიერის მხრიდან, რაც არის უბრალოდ შეცდომა, რბილად რომ ვთქვათ. რაც შეეხება კითხვა-პასუხს, საზოგადოება იხილავს დარწმუნებული ვარ ამ კითხვა-პასუხს, თუ რა საკითხები იქნა წამოწეული ასამბლეის წევრების მხრიდან შიდა პოლიტიკურ საკითხებზე საქართველოში, სასამართლოზე, ხმების მოსყიდვაზე, ია კერზაიას საქმეზე, ვანო მერაბიშვილის საქმეზე. პრემიერის პასუხები, მე ვფიქრობ, იმდენად სუსტი იყო, რომ მე არაკომფორტულად ვიგრძენი თავი“, - განაცხადა გიორგი კანდელაკმა.

იხილეთ ვიდეო

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა