ზოგიერთი ოპოზიციური პარტია ია კერზაიას ტრაგიკულ შემთხვევას პოლიტიკური სპეკულაციებისთვის იყენებს, - ასე უპასუხა საქართველოს პრემიერ-მინისტრმა მამუკა ბახტაძემ ევროსაბჭოს საპარლამენტო ასამბლეის დეპუტატის კითხვას.

კერძოდ, ბორიანა ობერგმა საქართველოს პრემიერს ჰკითხა - შეგიძლიათ პირობა დადოთ, რომ ია კერზაიას ტრაგიკული შემთხვევა ზედმიწნევით იქნება გამოძიებული?

„რა თქმა უნდა, ეს შემთხვევა ადამიანური ტრაგედია იყო. მსურს მივუსამძიმრო ია კერზაიას ოჯახის წევრებს. ამავე დროს, სამწუხაროდ, ზოგიერთი პოლიტიკური პარტია პოლიტიკური სპეკულაციებისთვის იყენებს ამ ტრაგედიას. მაქვს მოლოდინი, რომ გამოძიება უპასუხებს ყველა რელევანტურ შეკითხვას ამ ტრაგედიასთან დაკავშირებით“, - განაცხადა ბახტაძემ.