თბილისში კავკასიის რეგიონში ყველაზე დიდი მულტიპროფილური ლაბორატორია იხსნება

ხვალ თბილისში ყველაზე დიდი მულტიპროფილური ლაბორატორია „მეგალაბი“ გაიხსნება, რომელსაც შესაძლებლობა ექნება წელიწადში 6 000 000 ტესტის კვლევა განახორციელოს. ამის შესახებ „ინტერპრესნიუსს“ „სამედიცინო კორპორაცია ევექსიდან“ აცნობეს.

მათი ინფორმაციით, ლაბორატორია უახლესი სამედიცინო ტექნიკითაა აღჭურვილი და მაქსიმალური სიზუსტით უზრუნველყოფს დიაგნოსტირებას.

“მეგალაბის” მუშაობის ხარისხს აკონტროლებს ხარისხის კონტროლის საერთაშორისო ქსელი, რომელსაც ამერიკული, გერმანული და ბრიტანული კომპანიები Cap (აშშ) ; RFB (გერმანია) INSTAND (ბრიტანეთი); RIQAS (ბრიტრანეთი) წარმოადგენენ.

„მეგალაბის“ ბაზაზე პოსტსაბჭოთა სივრცეში პირველად გაიხსნა ციფრული პათოლოგის დეპარტამენტი, სადაც მსოფლიო სტანდარტების შესაბამისად ხორციელდება პათო-მორფოლოგიური კვლევები. “მეგალაბში” პათოლოგიის მიმართულებას, ჰოლანდიაში მოღვაწე ცნობილი პათოლოგი, ალექსი ბაიდოშვილი უხელმძღვანელებს.

ლაბორატორიის კლინიკურ მიმართულებას ნინო აბესაძე უხელმძღვანელებს, კლინიკური კვლევების დეპარტამენტი სრულად ავტომატიზირებულია და ანალიზების სრული სპექტრის ჩატარების შესაძლებლობას იძლევა. “მეგალაბში” ხორციელდება მოლეკულური, გენეტიკური და მაღალი ხარისხის მიკრობიოლოგიური კვლევები.

საათში ლაბორატორიას ერთდროულად შეუძლია 2000 სხვადასხვა ტესტის კვლევა.

“მეგალაბის” პროექტში “საქართველოს ჯანდაცვის ჯგუფმა” 20 000 000 ლარის ინვესტიცია განხორციელა, ლაბორატორია ახლა JCI (JOIN Commission international) სტანდარტის მოპოვების პროცესს გადის.

ქვეყანაში ლაბორატორიული სერვისების გაძლიერება ხელს შეუწყობს საქართველოს ჯანდაცვის სისტემის განვითარებას და მნიშვნელოვნად გააუმჯობესებს პაციენტების მკურნალობის პროცესს,“ - ნათქვამია ინფორმაციაში.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)