პრემიერ-მინისტრი პრეზიდენტს რამდენიმე ელჩის თანამდებობიდან გათავისუფლების წინადადებით მიმართავს

პრემიერ-მინისტრი პრეზიდენტს რამდენიმე ელჩის თანამდებობიდან გათავისუფლების წინადადებით მიმართავს.

კერძოდ, როგორც მთავრობის განკარგულებაშია აღნიშნული, პრემიერი პრეზიდენტს წინადადებით მიმართავს, რომ თანამდებობიდან გათავისუფლდნენ ესტონეთში, ისრაელში, მოლდოვასა და ქუვეითში საქართველოს საგანგებო და სრულუფლებიანი ელჩები.

პრემიერ-მინისტრის მიერ ხელმოწერილი განკარგულებების თანახმად, მამუკა ბახტაძე სალომე ზურაბიშვილს მიმართავს, რომ ესტონეთში საქართველოს ელჩი თეა ახვლედიანი თანამდებობიდან 2019 წლის 1-ელი ივნისიდან გათავისუფლდეს, ისრაელში საქართველოს ელჩი პაატა კალანდაძე 2019 წლის 1-ელი ივლისიდან, ქუვეითში საქართველოს ელჩი როლანდ ბერიძე ასევე 2019 წლის 1-ელი ივლისიდან, ხოლო მოლდოვაში საქართველოს საგანგებო და სრულუფლებიანი ელჩი მერაბ ანთაძე 2020 წლის 1-ელი იანვრიდან.

საგარეო საქმეთა სამინისტროს განმარტებით, საქართველოს 4 ელჩს, რომელთა თანამდებობიდან გათავისუფლების წინადადებით პრემიერმა პრეზიდენტს მიმართა, როტაციის წესი შეეხო. როგორც „ინტერპრესნიუსს“ საგარეო საქმეთა სამინისტროში განუცხადეს, ესტონეთში, ისრაელში, მოლდოვასა და ქუვეითში საქართველოს საგანგებო და სრულუფლებიანმა ელჩებმა 4-წლიანი ვადა ამოწურეს და სწორედ ამიტომ გათავისუფლდნენ ისინი თანამდებობიდან.

ოთხივე განკარგულება, რომლითაც პრემიერი პრეზიდენტს ელჩების თანამდებობიდან გათავისუფლების წინადადებით მიმართავს, 5 აპრილით თარიღდება.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა