აშშ-ს პრეზიდენტი დონალდ ტრამპი მიიჩნევს, რომ ევროკავშირმა ძალიან ხისტი პოზიცია დაიკავა დიდი ბრიტანეთის ევროკავშირიდან გასვლის საკითხში.
„ძალიან ცუდია, რომ ევროკავშირი ასე ხისტად უდგება დიდ ბრიტანეთსა და Brexit-ის საკითხს. ევროკავშირი ასევე აშშ-ს ხისტი სავაჭრო პარტნიორია, თუმცა ეს შეიცვლება“, - განაცხადა დონალდ ტრამპმა.
გუშინ ევროკავშირი და დიდი ბრიტანეთი შეთანხმდნენ, რომ დიდი ბრიტანეთის ევროკავშირიდან გასვლის თარიღი 31 ოქტომბრამდე გადაიწიოს.
თავის მხრივ, დიდი ბრიტანეთის პრემიერ-მინისტრი ტერეზა მეი იმედოვნებს, რომ დიდი ბრიტანეთი ევროკავშირს რაც შეიძლება ადრე დატოვებს.