გიორგი ქობულია  - ანტიდემპინგური კანონის მიღება ხელოვნურად არ ჭიანურდება

ანტიდემპინგური კანონის მიღება ხელოვნურად არ ჭიანურდება,- ამის შესახებ ეკონომიკისა და მდგრადი განვითარების მინისტრმა გიორგი ქობულიამ „ინტერპრესნიუსს" რომან კაკულიას განცხადების კომენტირებისას განუცხადა.

„ინტერპრესნიუსის" კითხვაზე, ეთანხმება თუ არა მინისტრი რომან კაკულიას განცხადებას, რომ ანტიდემპინგური კანონის მიღება ხელოვნურად ჭიანურდება, ქობულია აცხადებს, რომ მსგავსი რამ არ ხდება და ეთანხმება დარგობრივი ეკონომიკისა და ეკონომიკური პოლიტიკის კომიტეტის თავმჯდომარეს კანონის მნიშვნელობასთან დაკავშირებით. ამასთან, ქობულიას თქმით, ამჟამად აქტიური კონსულტაციები მიმდინარეობს სხვადასხვა მხარესთან.

„ეს პროცესი ხელოვნურად არ ჭიანურდება. კონსულტაციები გვქონდა, მათ შორის რომან კაკულიასთან. მესმის მისი სულისკვეთება. აბსოლუტურად ვეთანხმები, რომ რაც შეიძლება სწრაფად უნდა მოხდეს ამ კანონის მიღება, რამდენადაც ეს კანონი საკმაოდ მნიშვნელოვანია. ამჟამად ექსპერტებთან და ბიზნეს საზოგადოებასთან ინტენსიურ კონსულტაციებს გავდივართ, რათა ეს იყოს გამჭვირვალე და არ იყოს ვინმესთვის თავსმოხვეული კანონი,"-განაცხადა ქობულია.

შეგახსენებთ, რომ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ ეკონომიკის მინისტრს ანტიდემპინგური კანონის შეპირებულ ვადებში წარდგენისკენ მოუწოდა და აღნიშნა, რომ რჩება შთაბეჭდილება თითქოს კანონის მიღება ხელოვნურად ჭიანურდება.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)