სუდანის პრეზიდენტი ომარ ალ-ბაშირი თანამდებობიდან გადადგა. ამის შესახებ არაბულ ტელეარხ Al Hadath ქვეყნის პროვინციის ჩრდილოეთ დარფურის მინისტრმა ადელ ჰუსეინმა განუცხადა.
არსებული ინფორმაციით, ამჟამად სუდანში კონსულტაციები მიმდინარეობს ხელისუფლების სამხედროებისთვის გადაცემის თაობაზე.
საინფორმაციო სააგენტოებს Associated Press და Reuters სუდანის მთავრობაში წყაროებმა ასევე დაუდასტურეს სუდანის პრეზიდენტის გადადგომა.
სუდანის დედაქალაქ ხარტუმში ათასობით ადამიანი გამოვიდა ქუჩებში. სამხედროებს ბლოკირებული აქვთ სამთავრობო უწყებები.