წითელი ჯვრის საერთაშორისო კომიტეტი - 1992-93 წლების აფხაზეთის კონფლიქტის შედეგად გაუჩინარებული ადამიანების მოძიებისათვის ძალისხმევა ძლიერდება

წითელი ჯვრის საერთაშორისო კომიტეტის (წჯსკ) თავმჯდომარეობით, 8 აპრილს საკოორდინაციო მექანიზმის მე-13 შეხვედრა გაიმართა. ამის შესახებ „ინტერპრესნიუსს“ წითელი ჯვრის საერთაშორისო კომიტეტიდან აცნობეს.

მათი ინფორმაციით, შეხვედრის მიზანი 1992-93 წლების აფხაზეთის კონფლიქტის დროს უგზო-უკვლოდ დაკარგული ადამიანების ხვედრისა და ადგილსამყოფელის დადგენაა.

„მექანიზმის ქართველი და აფხაზი მონაწილეები სტამბულში ნეშტების მოძიების, ექსჰუმაციისა და ამოცნობის საკითხების განსახილველად შეიკრიბნენ. მათ მიმოიხილეს 2018 წლის დეკემბრის შეხვედრის შემდეგ მიმდინარე პროცესები, კონკრეტულად, ადგილობრივი კადრების შესაძლებლობების განვითარების საკითხი, რაც გაუჩინარებულ ადამიანებთან დაკავშირებული საკითხების უფრო ეფექტურ გადაჭრასა და მათი ოჯახების საჭიროებების გამოვლენას შეუწყობს ხელს. შეხვედრაზე, ასევე, 2019 წლის გეგმები განიხილეს.

მექანიზმის შექმნის შემდეგ (2010 წ.), მნიშვნელოვანი ნაბიჯები გადაიდგა ოჯახებისთვის უგზო-უკვლოდ დაკარგული ახლობლების შესახებ ინფორმაციის მიწოდებისა და ნეშტების მოძიების მიმართულებით: სულ მოძიებულია 431 ადამიანის ნეშტი, რომელთაგან ჯერჯერობით ამოცნობილია და ოჯახებს გადაეცა 163, შეხვედრის მონაწილეები შეთანხმდნენ, რომ პროცესი უნდა დაჩქარდეს,“ - ნათქვამია წითელი ჯვრის საერთაშორისო კომიტეტის მიერ გავრცელებულ ინფორმაციაში.

ამასთან, წითელი ჯვრის საერთაშორისო კომიტეტის პროგრამის კოორდინატორი ლინა მილნერი აღნიშნავს, რომ წელს 30-ზე მეტ სავარაუდო სამარხს შეისწავლიან.

„იმის გათვალისწინებით, რომ 2200-ზე მეტი ადამიანი ჯერაც გაუჩინარებულია, აუცილებელია მუშაობის დაჩქარება. დასახული გეგმის ფარგლებში, მონაწილეები შეთანხმდნენ, რომ წელს 30-ზე მეტ სავარაუდო სამარხს შეისწავლიან და ადრე მოძიებული, მაგრამ დღემდე ამოუცნობი ნეშტების იდენტიფიცირებისთვის ერთობლივ ძალისხმევას გააძლიერებენ“, - აღნიშნა ლინა მილნერმა რომელიც უგზო-უკვლოდ დაკარგული პირებისა და მათი ოჯახების საკითხებზე მუშაობს.

„წჯსკ თავისი ნეიტრალური, მიუკერძოებელი და დამოუკიდებელი მანდატის შესაბამისად, საკოორდინაციო მექანიზმის შეხვედრებს თავმჯდომარეობს. მექანიზმის მუშაობა მხოლოდ და მხოლოდ ჰუმანიტარულ საფუძველს ემყარება და ფუნქციონირებს იმისათვის, რომ ოჯახებმა პასუხი მიიღონ გაუჩინარებული ახლობლების ხვედრისა და ადგილსამყოფელის შესახებ,“ - ნათქვამია წითელი ჯვრის საერთაშორისო კომიტეტის მიერ გავრცელებულ ინფორმაციაში.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)