რომან გოცირიძე - პარლამენტში მილიონობით ლარი ნიავდება

მე, როგორც პარლამენტის ხაზინდართა საბჭოს წევრმა, მთელი პასუხისმგებლობით შემიძლია განვაცხადო, რომ პარლამენტში მილიონობით ლარი ნიავდება, - ამის შესახებ “ინტერპრესნიუსს“ ფრაქცია “ნაციონალური მოძრაობის“ თავმჯდომარემ რომან გოცირიძემ განუცხადა.

ოპოზიციონერი დეპუტატის აზრით, საჭიროა აუდიტის სამსახურმა პარლამენტში სახსრების არარაციონალურად და საეჭვოდ ხარჯვის ფაქტები შეისწავლოს.

“პარლამენტის ახალი რეგლამენტით, საპარლამენტო ფრაქციას ჩამოერთვა აუდიტის სამსახურისადმი მიმართვის უფლება, შეამოწმოს რიგგარეშედ ესა თუ ის უწყება. როგორც ჩანს, ამით მოსალოდნელი საფრთხეები აიცილეს. წინა კვირას, მიუხედავად ჩვენი კატეგორიული პროტესტისა, პარლამენტის ხაზინდართა საბჭომ მხარი დაუჭირა პარლამენტში 53 ადამიანის დანიშვნას სახელშეკრულებო საფუძველზე. თვეში 1800 ლარიდან 4000 ლარის ოდენობის ხელფასები დაენიშნათ. ეს მილიონ ლარზე მეტია წელიწადში.

მარტო ქუთაისის პარლამენტის სახურავის (შუშა არ იგულისხმება) შეკეთებას მოხმარდა 700 ათას ლარზე მეტი. ორმილიონნახევარი იხარჯება თბილისში გამაგრებით სამუშაოებზე. მივლინებები კიდევ სხვა თემაა. აშკარაა, რომ ფული იფლანგება და ხაზინდართა საბჭოს მხოლოდ სათათბირო ფუნქციები აკისრია. ასეთი ვითარება უნდა შეიცვალოს.

ამიტომ ვითხოვთ, რომ აუდიტის სამსახურმა შეამოწმოს პარლამენტის ხარჯები და დარღვევების აღმოჩენის შემთხვევაში მიმართოს პროკურატურას - რომ აღმოაჩენს, ამაში ეჭვი არ მეპარება!”, - აცხადებს რომან გოცირიძე.

ამირან სალუქვაძე - რაც ახლა ხდება, ეს არა პოლიტიკური კრიზისი, არამედ პოლიტიკურ ოპონენტთა შორის თანაცხოვრების კრიზისია
ქართული პრესის მიმოხილვა 22.11.2019
მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
თეგეტა მოტორსის სპეციალური შეთავაზება ზამთრის საბურავებზე
სადაზღვევო კომპანია პრაიმში მასშტაბურმა აქცია დაიწყო!
სპეციალური პირობები სამშენებლო კომპანიებისთვის SAP Business One-ის დანერგვაზე BDO-სგან
26 ახალი და გემრიელი შესაძლებლობა - საბვეიში განახლებული მენიუა (R)