„საერთაშორისო გამჭვირვალობა“- მიზანშეწონილია შეიქმნას სპეციალიზებული სტრუქტურა, რომელიც გააკონტროლებს რეგულირების ზეგავლენის შეფასების ხარისხს

მიზანშეწონილია შეიქმნას სპეციალიზებული სტრუქტურა, რომელიც გააკონტროლებს შემუშავებული RIA-ს ხარისხს, - ასე ეხმაურება არასამთავრობო ორგანიზაცია „საერთაშორისო გამჭვირვალობა-საქართველო“ რეგულირების ზეგავლენის შეფასების (RIA) დანერგვის საკანონმდებლო ინიციატივას.

ორგანიზაციის განმარტებით, ინიციატივის წარმატებისთვის მნიშვნელოვანია, გამონაკლისების შემთხვევები შემცირდეს და შეიქმნას სტრუქტურა, რომელიც კანონპროექტების ზეგავლენის შეფასების ხარისხს გააკონტროლებს.

„იმისათვის, რომ რეალურად მოხდეს RIA-ს იმპლემენტაცია მნიშვნელოვანია, რომ: RIA-ს განხორცილების ვალდებულება გავრცელდეს როგორც მთავრობის, ისე საპარლამენტო სუბიექტების ინიციატივებზე იმ შემთხვევაში, თუ ინიციატივა ეხება ბიზნეს სექტორს, ეკონომიკას; მიზანშეწონილია შეიქმნას სპეციალიზებული სტრუქტურა, რომელიც გააკონტროლებს შემუშავებული RIA-ს ხარისხს; უნდა დავიწროვდეს გამონაკლისი შემთხვევების წრე, როდესაც კანონის მიღება RIA-ს გარეშეა შესაძლებელი და ეტაპობრივად, RIA-ს სავალდებულოობა უნდა შეეხოს კანონქვემდებარე აქტებსაც“, -აღნიშნულია „საერთაშორისო გამჭვირვალობა -საქართველოს“ მიერ გამოქვეყნებულ ინფორმაციაში.

შეგახსებენთ, რომ საქართველოს პარლამენტში ინიცირებულია ნორმატიული აქტების შესახებ კანონში ცვლილებების პროექტი, რომელიც რეგულირების ზეგავლენის შეფასების დანერგვას ითვალისწინებს. მოქმედი კანონმდებლობით, რეგულირების ზეგავლენის შესახებ ანგარიშის წარდგენა არ არის სავალდებულო. კანონის ძალაში შესვლა 2020 წლის დასაწყისისთვის იგეგმება.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ