ეკა ბესელია - მოსამართლეების არჩევის წესთან დაკავშირებული კანონპროექტის წინააღმდეგ ხმის მიცემა იუსტიციის საბჭოს იმ წევრთა ლობირებას ნიშნავს, ვინც ათკაციანი სიის ავტორი იყო

ამ კანონპროექტის წინააღმდეგ ხმის მიცემა ნიშნავს იმ ათკაციანი სიის ლობირებას, იუსტიციის საბჭოს იმ წევრთა ლობირებას, ვინც ათკაციანი სიის ავტორი იყო და ვინც მართლაც უმძიმეს რეალობაში ჩააყენა მმართველი პარტია,- ასე აფასებს დეპუტატი ეკა ბესელია იურიდიულ საკითხთა კომიტეტის იმ გადაწყვეტილებას, რომლის თანახმად უზენაესი სასამართლოს მოსამართლეების არჩევის წესთან დაკავშირებით მის მიერ მომზადებულ საკანონმდებლო პროექტს იურიდიულ საკითხთა კომიტეტმა მხარი არ დაუჭირა.

როგორც სხდომის დასრულების შემდეგ ბესელიამ ჟურნალისტებს განუცხადა, სამწუხაროდ, იურიდიულ საკითხთა კომიტეტი 2019 წლის იანვრიდან აღარა არის ის კომიტეტი, რომელიც დამოუკიდებლობას ინარჩუნებდა. ბესელიას თქმით, ის დეპუტატები, რომელმაც კომიტეტზე მის კანონპროექტს ხმა წინააღმდეგ მისცეს, ლობისტები არიან იუსტიციის უმაღლესი საბჭოს იმ ჯგუფის, რომლებმაც პარლამენტში უზენაესი სასამართლოს მოსამართლეობის ათკაციანი სია წარადგინეს.

„ეს პროგნოზირებადი იყო, მაგრამ ჩემთვის ახლა, უკვე ეს არის გასავლელი პროცესი. ვემზადები სესიისთვის და მეც და ჩემი თანამოაზრეები ისინი ვინც, ამ კანონპროექტის ავტორები ვართ რთული, მაგრამ ძალიან საპასუხისმგებლო გადაწყვეტილების წინაშე აუცილებლად დავაყენებთ ყველა კოლეგას", - განაცხადა ბესელიამ.

შეგახსენებთ, უზენაესი სასამართლოს მოსამართლეების არჩევის წესთან დაკავშირებით ეკა ბესელიას მიერ მომზადებულ საკანონმდებლო პროექტს იურიდიულ საკითხთა კომიტეტმა მხარი არ დაუჭირა.

ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
ქართული პრესის მიმოხილვა 11.11.2019
ზაალ ანჯაფარიძე - „ნაციონალები“ და „ევროპული საქართველო“ კი აცხადებენ, რომ სურთ არჩევნების გზით იარონ, მაგრამ ცალი თვალი მაინც რევოლუციურ სცენარზე უჭირავთ