გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯიას“ აბონენტების ნაწილს, - ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
როგორც კომპანიაში განმარტავენ, გამანაწილებელ ქსელში დაგეგმილი სარეაბილიტაციო სამუშაოების გამო 12 აპრილს 10:10-დან 18:30 საათამდე ელექტროენერგიის მიწოდება შეეზღუდებათ აბონენტებს მცხეთის მუნიციპალიტეტის სოფლებში ბიწმენდი, ჯიღაურა, საგურამო, გალავანი, ბურიანი და მიმდებარე სოფლებში, ხოლო 11:50-დან 18:30 საათამდე - სოფლებში მუხათწყარო, მსხალდიდი, ნახშირგორა, ლისი, თხინვალა და მიმდებარე სოფლებში. 15:00-დან 17 საათამდე ელენერგია გამოირთვება წეროვანში.
ამასთან, 12:00-დან 14:00 საათამდე ძაბვა შეუწყდებათ აბონენტებს ყაზბეგის მუნიციპალიტეტის სოფლებში ყანობი, კობი, ალმასიანი, უხათი და დაბა სტეფანწმინდაში.
„ენერგო-პრო ჯორჯიას“ განცხადებით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.