პრემიერი - ღრმად მწამს, რომ სწორედ „ქართული ოცნება“ გახლავთ ის ერთადერთი პოლიტიკური ძალა, ვისაც შეუძლია დაიცვას ქართული სახელმწიფოს ინტერესები

ღრმად მწამს, რომ სწორედ „ქართული ოცნება“ გახლავთ ის ერთადერთი პოლიტიკური ძალა, ვისაც შეუძლია დაიცვას ქართული სახელმწიფოს ინტერესები, გააერთიანოს ქართული საზოგადოება,- ამის შესახებ პრემიერ-მინისტრმა მამუკა ბახტაძემ მთაწმინდის მაჟორიტარი დეპუტატობის კანდიდატის ლადო კახაძის წარდგენაზე განაცხადა.

„ჩვენთვის თქვენი მხარდაჭერა არის განსაკუთრებით მნიშვნელოვანი, ვინაიდან, მთაწმინდა არის ჩვენი ულამაზესი დედაქალაქის გამორჩეული და ისტორიული უბანი. დღეს ქართველ ერს სჭირდება კონსოლიდაცია და ერთსულოვნება. კონსოლიდაცია ჩვენი ეროვნული ინტერესების გარშემო. მე ღრმად მწამს, რომ სწორედ „ქართული ოცნება“ გახლავთ ის ერთადერთი პოლიტიკური ძალა, ვისაც შეუძლია დაიცვას ქართული სახელმწიფოს ინტერესები. შეუძლია დაიცვას ჩვენი ეროვნული ინტერესები და გააერთიანოს ქართული საზოგადოება ამ ინტერსების გარშემო“,- განაცხადა პრემიერმა.

მისივე თქმით, „საქართველოს წინაშე არის ძალიან ბევრი და მტკივნეული გამოწვევა“.

„ამ გამოწვევების დაძლევა შესაძლებელია მხოლოდ ერთსულოვნებით და მუხლჩაუხრელი შრომით. ჩვენ რამდენიმე კვირის წინ დავაანონსეთ ახალი რეფორმა, ის ეროვნული იდეა, რომელიც აუცილებლად დაგვეხმარება რომ დავძლიოთ საქართველოს წინაშე არსებული ყველა გამოწვევა, ეს არის განათლება. ჩემთვის განსაკუთრებით სასიხარულოა, რომ დღეს ვიმყოფები საზოგადოებაში, რომლისთვისაც განათლება არის განსაკუთრებული ფასეულობა“,- განაცხადა პრემიერმა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო