მიხეილ ბატიაშვილი ხელნაწერთა ეროვნულ ცენტრს ეწვია და იქ დაცულ X საუკუნის ნევმირებულ ჰიმნოგრაფიულ კრებულებს გაეცნო

განათლების, მეცნიერების, კულტურისა და სპორტის მინისტრი მიხეილ ბატიაშვილი კორნელი კეკელიძის სახელობის საქართველოს ხელნაწერთა ეროვნულ ცენტრში X საუკუნის იმ ჰიმნოგრაფიულ კრებულებს გაეცნო, რომლებშიც საგალობლის ჰანგი ნევმებით – ძველი სამუსიკო ნიშნებით – არის ჩაწერილი. როგორც „ინტერპრესნიუსს“ განათლების, მეცნიერების, კულტურის და სპორტის სამინისტროს პრესსამსახურიდან აცნობეს ნევმების სისტემის მიმართ სამეცნიერო ინტერესი მრავალი წელია არსებობს, თუმცა მასში დაცული საიდუმლოს ამოხსნა დიდი ხნის განმავლობაში ვერ მოხერხდა. ნევმირებულ ხელნაწერთა შორის გამორჩეულია მიქაელ მოდრეკილის იადგარი და ნევმირებული ძლისპირნი.

„დღევანდელი ჩვენი ვიზიტი ხელნაწერთა ეროვნულ ცენტრში, სადაც საქართველოს ეროვნული საგანძურია დაცული, არ არის შემთხვევითი. X საუკუნის იმ ჰიმნოგრაფიულმა კრებულებმა, რომელიც დღეს ვნახეთ, ძველი სამუსიკო ნიშნები – ნევმები – შემოგვინახა. მათი კითხვის წესი საუკუნეების განმავლობაში ზეპირსიტყვიერი სახით ვრცელდებოდა. თანამედროვე ტექნოლოგიების გამოყენებით შესაძლებელი გახდა ძველი სანოტო ნიშნების ამოხსნა. ხვალ საქართველოს ეროვნულ მუზეუმში სწორედ ამ კვლევითი მიგნებებისა და სამომავლო გეგმების პრეზენტაცია გაიმართება“, – განაცხადა მიხეილ ბატიაშვილმა.

ქართული მრავალხმიანობა 2008 წელს იუნესკოს არამატერიალური კულტურული მემკვიდრეობის წარმომადგენლობით სიაში შევიდა. ქართული ტრადიციული მუსიკა მსოფლიო მონაპოვარია, რომლის მეცნიერულ კვლევას საფუძველი მე-19 საუკუნეში ჩაეყარა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა