ხათუნა თოთლაძემ სემეკის პროექტის გახსნის ღონისძიებაში მიიღო მონაწილეობა

საგარეო საქმეთა მინისტრის მოადგილემ ხათუნა თოთლაძემ ევროკავშირის საჯარო სამსახურების დაძმობილების პროგრამის (TWINNING) ფარგლებში, პროექტის - „მომსახურების ხარისხის წამახალისებელი რეგულირებისადა ჭკვიანი აღრიცხვის დანერგვის მხარდამჭერიმარეგულირებელი სტრატეგიის შემუშავება“ - გახსნის ღონისძიებაში მიიღო მონაწილეობა. როგორც „ინტერპრესნიუსს“ საგარეო საქმეთა სამინისტროს პრესსამსახურიდან აცნობეს, სიტყვით გამოსვლისას, მინისტრის მოადგილე მიესალმა TWINNING-ის პროექტის დაწყებას და პროექტის განხორციელებაში ჩართულ მხარეებს წარმატება უსურვა.

ხათუნა თოთლაძემ ყურადღება გაამახვილა, საქართველო-ევროკავშირის ასოცირების შეთანხმების განხორციელების პროცესში საქართველოს მიერ მიღწეულ პროგრესზე და მადლობა გადაუხადა ევროკავშირს საქართველოსთვის გაწეული პოლიტიკური და პრაქტიკული მხარდაჭერისათვის. მინისტრის მოადგილემ, ასევე, ისაუბრა საქართველო-ევროკავშირის თანამშრომლობის სამომავლო გეგმებზე და ამ კონტექსტში, ხაზი გაუსვა საქართველოს ევროკავშირში ინტეგრაციის საგზაო რუკის (RM2EU) მნიშვნელობას.

ღონისძიების მონაწილეებს სიტყვით მიმართეს საქართველოში ევროკავშირის, ავსტრიის, საფრანგეთის, საბერძნეთის ელჩებმა და საქართველოს ეკონომიკისა და მდგრადი განვითარების მინისტრის მოადგილემ ნათია თურნავამ.

პროექტი - „მომსახურების ხარისხის წამახალისებელი რეგულირებისა და ჭკვიანი აღრიცხვის დანერგვის მხარდამჭერი მარეგულირებელი სტრატეგიის შემუშავება“ - საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი), ავსტრიის ენერგეტიკის მარეგულირებელი ორგანოს (E-Control), საფრანგეთის ენერგეტიკის მარეგულირებელი კომისიისა და საბერძნეთის ენერგეტიკის მარეგულირებელი ორგანოს თანამშრომლობითა და ერთობლივი ძალისხმევით განხორციელდება. პროექტის დასაფინანსებლად ევროკავშირმა გამოყო 1 200 000 ევრო.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა