ირაკლი ოქრუაშვილი - გიორგი გახარიას ვამეცადინებდი სისტემის მართვაში

ხანდახან რომ ვუყურებ ამათ მინისტრებს, მიფიქრია, რეპეტიტორობა ხომ არ დავიწყო და კერძო გაკვეთილები ხომ არ ავიღო, ამათი მინისტრები ხომ არ ვამეცადინო, გახარიას ვამეცადინებდი პირველ რიგში სისტემის მართვაში, - ამის შესახებ "პალიტრანიუსის" გადაცემაში „360 გრადუსი“ თავდაცვის ყოფილმა მინისტრმა ირაკლი ოქრუაშვილმა განაცხადა. ოქრუაშვილის თქმით, მან იცის ის სისტემა, რომელიც გახარიამ ჩაიბარა, რომელსაც ფაქტობრივად, აწყობილი სისტემა დახვდა კაბინეტში.

„ხანდახან რომ ვუყურებ ამათ მინისტრებს, მიფიქრია, რეპეტიტორობა ხომ არ დავიწყო და კერძო გაკვეთილები ხომ არ ავიღო, ამათი მინისტრები ხომ არ ვამეცადინო. გახარიასაც ვამეცადინებდი. პირველ რიგში სისტემის მართვაში. ის სისტემა მე ვნახე შიგნიდან რას ნიშნავდა. გახარიამ მიიღო გასუფთავებული კაბინეტი, ყველაფერი კარგად და მშვენივრად აწყობილი. მე რომ მაგ სისტემაში მივედი, მეხუთე სართულზე ისევ ნარკოტიკი იყიდებოდა, ჩვეულებრივად ამუშავებდნენ ბარიგებს, მოჰყავდათ, აძლევდნენ, მერე იმათ ფული მოჰქონდათ, აჭერინებდნენ და ა.შ. გახარიას დღეს შეუძლია გაცილებით მეტად გადადგას წინ ნაბიჯები მუნიციპალური პოლიციის განვითარების კუთხით ან სხვა კუთხით“, - განაცხადა ოქრუაშვილმა.

ოქრუაშვილმა კონკურენციის არარსებობაზეც ისაუბრა და აღნიშნა, რომ ხელისუფლების მაღალჩინოსნები ერთმანეთს მხოლოდ „სისულელეების კეთებაში ეჯიბრებიან“.

„მე ამათ ადგილას იმისთვის, რომ კონკურენცია იყოს, თბილისს გავყოფდი შუაზე, მარჯვენა სანაპიროს მერს ავირჩევდი ცალკე, მარცხენა სანაპიროს მერს ავირჩევდი ცალკე, რომ იქნება ერთმანეთში შეჯიბრის გამო უკეთესი აკეთონ. ესენი ერთმანეთს ეჯობრებიან სისულელეების კეთებაში“, - განაცხადა ირაკლი ოქრუაშვილმა.

იხილეთ ვიდეო

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება