წყნეთში მამის  მკვლელობაში ბრალდებულს პატიმრობა შეეფარდა

წყნეთში, 65 წლის გივი ცერექაშვილის მკვლელობაში ბრალდებულ შვილს, 37 წლის სოსო ცერექაშვილს აღკვეთის ღონისძიების სახით პატიმრობა შეეფარდა. აღნიშნული გადაწყვეტილება თბილისის საქალაქო სასამართლოს მოსამართლე ნიკოლოზ მარგველაშვილმა მიიღო.

საქმის პროკურორმა სასამართლო სხდომაზე სოსო ცერექაშვილისთვის აღკვეთის ღონისძიების სახით პატიმრობის შეფარდების შუამდგომლობა დააყენა. პროკურორის განმარტებით, მამის მკვლელობაში ბრალდებულს დაბა წყნეთში, საცხოვრებელი სახლის აივანზე, ალკოჰოლური სასმელის თრობის ქვეშ მამასთან შელაპარაკება მოუვიდა, რის შემდეგაც, მან სამზარეულოს დანა აიღო და გივი ცერექაშვილს სასიკვდილო ჭრილობა მიაყენა.

პროკურორმა ცერექაშვილის არასტაბილურ და არაკონტროლირებად ხასიათზეც ისაუბრა და განაცხადა, რომ ბრალდებული ალკოჰოლზე და ფსიქოტროპულ მედიკამენტებზეა დამოკიდებული. ბრალდებულის ადვოკატი, ლედი კორძაძე ბრალდების მხარის შუამდგომლობას არ დაეთანხმა. ადვოკატის განმარტებით, მკვლელობის შემდეგ ბრალდებული პოლიციაში ნებაყოფლობით მივიდა და დანაშაული აღიარა, გამოძიებასთან ითანამშრომლა, ნიმუშები მისცა. ბრალდებულის ადვოკატი არ დაეთანხმა ბრალდების მხარის შუამდგომლობას, რომლის მიხედვითაც, ის ალკოჰოლზე და სხვა ნივთიერებებზეა დამოკიდებული.

ადვოკატის განმარტებითვე, ცერექაშვილი დასაქმებულია და ის 8 წელია, რაც დაცვის თანამშრომელია.

შემთხვევა 9 აპრილს მოხდა. გამოძიების ინფორმაციით, სოსო ცერექაშვილმა მამას ურთიერთშელაპარაკების ნიადაგზე, ცივი იარაღის გამოყენებით, სხეულზე ჭრილობები მიაყენა, რის შედეგადაც იგი ადგილზე გარდაიცვალა. გამოძიება ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ვ“ ქვეპუნქტით მიმდინარეობს. აღნიშნული დანაშაული 13-დან 17 წლამდე თავისუფლების აღკეთას ითვალისწინებს.

იხილეთ ვიდეო: წყნეთში მამის მკვლელობაში ბრალდებულს აღკვეთის ღონისძიების სახით პატიმრობა შეეფარდა

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ