კომპანია white&case-ს ჯერჯერობით რჩევები არ მოუცია, რადგან ჯერ მოლაპარაკების პროცესში არ ვართ, ვგულისხმობ იმას, რომ აპრილის შეხვედრა ინვესტორებთან არ შემდგარა და ამ შეხვედრაში white&case მიიღებს მონაწილეობას, - ამის შესახებ ვიცე-პრემიერმა, რეგიონული განვითარების მინისტრმა მაია ცქიტიშვილმა ჟურნალისტებს კომპანია white&case-თან გაფორმებული ხელშეკრულების კომენტირებისას განუცხადა.
მისივე განმარტებით, მთავრობამ კომპანია ანაკლიის პორტის ინვესტორებთან მოლაპარაკების პროცესში დასახმარებლად დაიქირავა.
"white&case-სთან ხელშეკრულების გაფორმება ძირითადად ემსახურებოდა მოლაპარაკებაში დახმარებას, ხელშეწყობას და ხელშეკრულებაში ცვლილებების მომზადებას, რომლიც სწორედ ინვესტორებთან მოლაპარაკების პროცესში დაფორმირდება. ასევე, ესაა რჩევები ბანკების და კონსორციუმის მიერ შემოთავაზებულ ცვლილებებთან დაკავშირებით“, -განმარტა ცქიტიშვილმა.