წყნეთში მამის მკვლელობაში ბრალდებულის ადვოკატი - ჩემი დაცვის ქვეშ მყოფი დუმილის უფლებას იყენებს, რაც იმას ნიშნავს, რომ ამ ეტაპზე ბრალს არ აღიარებს

ადვოკატის ინფორმაციით, წყნეთში, მამის მკვლელობაში ბრალდებული 37 წლის სოსო ცერექაშვილი ბრალს არ აღიარებს, ის დუმილის უფლებით სარგებლობს. როგორც ცერექაშვილის ადვოკატი, ლედი კორძაძე "ინტერპრესნიუსთან" საუბარში აცხადებს, ბრალდებულის მხრიდან აღიარებითი ჩვენება პროკურატურის ვერსიაა და თავად ცერექაშვილი ამ ფაქტებთან დაკავშირებით არ საუბრობს.

„ჩემი დაცვის ქვეშ მყოფი კანონით მინიჭებულ დუმილის უფლებას იყენებს, რაც იმას ნიშნავს, რომ ამ ეტაპზე ბრალს არ აღიარებს. ბრალდების ვერსიით და საქმის მასალებით, რაც ამ ეტაპზე ბრალდების მხარემ წარმოადგინა, ჩანს, რომ ის თავისი ფეხით მივიდა პოლიციის განყოფილებაში, მაგრამ ეს ჩვენ არ დაგვიდასტურებია, ჩემი დაცვის ქვეშ მყოფი ამ ფაქტებთან დაკავშირებით არ საუბრობს", - განაცხადა კორძაძემ.

მისივე თქმით, პროკურატურას ცერექაშვილის ალკოჰოლზე, ან სხვა ნივთიერებაზე დამოკიდებულების დოკუმენტი არ წარმოუდგენია.

"სახელმწიფო ბრალდებამ ისაუბრა, რომ ის ალკოჰოლზე დამოკიდებულია და ასევე, მოიხმარს ფსიქოტროპულ ნივთიერებებს, თუმცა, არ წარმოუდგენია არანაირი დოკუმენტი, რომელიც აღნიშნულს დაადასტურებდა. ჩემი დაცვის ქვეშ მყოფი დასაქმებულია, ის 8 წელია, სტაბილურად მუშაობს ერთი და იმავე ადგილზე. შესაბამისად, რაიმე დოკუმენტის გარეშე, იმის მტკიცება, რომ ის არასტაბილური პიროვნებაა და ალკოჰოლზეა დამოკიდებული, საფუძველს მოკლებულია", - განაცხადა კორძაძემ.

ცნობისთვის, წყნეთში, 65 წლის გივი ცერექაშვილის მკვლელობაში ბრალდებულ შვილს, 37 წლის სოსო ცერექაშვილს თბილისის საქალაქო სასამართლომ დღეს, აღკვეთის ღონისძიების სახით პატიმრობა შეუფარდა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა