ბექა ნაცვლიშვილის ინფორმაციით, საქართველოში ექთნების შრომითი პირობები მძიმე და სავალალოა

პარლამენტის წევრის ბექა ნაცვლიშვილის ინფორმაციით, საქართველოში ექთნების შრომითი პირობები მძიმე და სავალალოა.

როგორც დეპუტატმა ჟურნალისტებს განუცხადა, სავალალოა მათი სამუშაო პირობები, სამუშაო დრო, რასაც დაბალი ანაზღაურება ემატება.

აღნიშნულის თქმის საფუძველს ბექა ნაცვლიშვილს „სოლიდარობის ქსელის“ მიერ ჩატარებული კვლევის შედეგები აძლევს, რომლის პრეზენტაციაც პარლამენტში იმართება.

„სოლიდარობის ქსელის“ კვლევამ 200 ექთანი და 10 სამედიცინო დაწესებულება მოიცვა.

ბექა ნაცვლიშვილის თქმით, კვლევა ადასტურებს, რომ საქართველოში პრობლემაა არა ექთნების კვალიფიკაცია, არამედ მათი შრომის პირობები.

„ყოველთვის აქცენტი ექთნების კვალიფიკაციაზე კეთდება. ხშირ შემთხვევაში მათ კვალიფიკაციას არანაირი კავშირი არ აქვს შრომის პირობებთან, კვლევის შედეგად გამოიკვეთა, რომ მათი შრომითი უფლებები არის შელახული და სავალალო. ხშირ შემთხვევაში ამ ადამიანებს 60-ზე მეტი პაციენტის მომსახურება უწევთ, რაც პრაქტიკულად ენთუზიაზმის საფუძველზე ხდება“, - განაცხადა ბექა ნაცვლიშვილმა.

მისივე თქმით, მთავარი რეკომენდაცია არის ის, რომ ექთნებისათვის განისაზღვროს მინიმალური ხელფასის ზღვარი და ასევე დაწესდეს სტანდარტი, რომლის მიხედვით, ერთ ექთანზე პაციენტების განსაზღვრული რაოდენობა იქნება.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა