გუშინ, ზუგდიდში სამართალდამცავები შესაბამისი წესით მოქმედებდნენ, - ამის შესახებ საპარლამენტო უმრავლესობის წევრმა დავით მათიკაშვილმა, ზუგდიდში, "ნაციონალური მოძრაობის" წარმომადგენლების დაკავების ფაქტზე საუბრისას განაცხადა.
"ჩემთვის ცნობილია, რომ მოხდა კონკრეტული ინცინდენტი და ამ დროს სამართალდამცავები მოქმედებდნენ შესაბამისი წესით. რაც შეეხება პოლიტიკური დევნის თაობაზე შეფასებას, ეს პოლიტიკური პარტიის სუბიექტური შეფასებაა. შესაბამისად, არ არის გასაკვირი "ნაციონალური მოძრაობისგან" ასეთი შეფასება", - განაცხადა მათიკაშვილმა.
გუშინ, ზუგდიდში „ნაციონალური მოძრაობის“ პრესსამსახურის უფროსი გიორგი პატარაია, პარტიის წევრები ანი წითლიძე და მანუჩარ ჩხეტია დააკავეს. მოგვიანებით გიორგი პატარაია და ანი წითლიძე გაათავისუფლეს.