გამოკითხულთა 41 % მიიჩნევს, რომ ოთარ ფარცხალაძე კორუფციულ გარიგებაშია ჩართული, 48 % კი ფიქრობს, რომ მის ქმედებებს ხელისუფლება ხელს აფარებს

გამოკითხულთა 41% მიიჩნევს, რომ ოთარ ფარცხალაძე კორუფციულ გარიგებაშია ჩართული. ხოლო, გამოკითხულთა 48% მიიჩნევს, რომ ფარცხალაძის ქმედებებს ხელისუფლება ხელს აფარებს, - ამის შესახებ ნათქვამია „საერთაშორისო გამჭვირვალობა-საქართველოს“ მიერ გამოქვეყნებულ კვლევაში, რომელიც ქვეყანაში კორუფციის არსებობას ეხება.

არასამთავრობო ორგანიზაციამ ადამიანებს კითხვა დაუსვა, ყოფილი მთავარი პროკურორის ოთარ ფარცხალაძის საქმიანობის შესახებ. როგორც კვლევაშია აღნიშნული, ის რესპონდენტები, ვისაც ოთარ ფარცხალძის შესახებ სმენია, მეტწილად იზიარებენ იმ მოსაზრებებს, რომ ის კორუფციულ გარიგებებშია ჩართული, სარგებლობს ხელისუფლების მფარველობით და ინარჩუნებს გავლენას პროკურატურაზე.​​​​​​​

უფრო კონკრეტულად, გამოკითხულთა 48% მიიჩნევს, რომ ოთარ ფარცხალაძის ქმედებებს ხელს აფარებს ხელისუფლება, 7% პასუხობს - „არ შეესაბამება სიმართლეს“, 45% პასუხობს - „არ ვიცი“.

გამოკითხულთა 41% მიიჩნევს, რომ ოთარ ფარცხალაძე კორუფციულ გარიგებაშია ჩართული, 5% პასუხობს - „არ შეესაბამება სიმართლეს“, 54 % პასუხობს - „არ ვიცი“.

გამოკითხულთა 38% მიიჩნევს, რომ ოთარ ფარცხალაძე ბიძინა ივანიშვილთან დაახლოებული პირია, რომელიც არაფორმალურად „აგვარებს საქმეებს“. 6 % პასუხობს - „არ შეესაბამება სიმართლეს“, 56% პასუხობს - „არ ვიცი“.

გამოკითხულთა 29 % მიიჩნევს, რომ ოთარ ფარცხალაძე პროკურატურის არაფორმალური მმართველია, 11 % პასუხობს - „არ შეესაბამება სიმართლეს“, 60 % პასუხობს - „არ ვიცი“.

გამოკითხულთა 12 % მიიჩნევს, რომ ოთარ ფარცხალაძე კარგად ასრულებდა მთავრი პროკურორის მოვალეობას, 33% უარყოფით პასუხს სცემს, 56 % პასუხობს - „არ ვიცი“.

კვლევა „საერთაშორისო გამჭვირვალობა - საქართველოს“ დაკვეთით „კავკასიის კვლევითი რესურსების ცენტრმა” (CRRC) 2019 წლის 20 თებერვლიდან 5 მარტამდე პერიოდში ჩაატარა. კვლევის ფარგლებში მთელი ქვეყნის მასშტაბით 2087 ადამიანი გამოიკითხა, ხოლო ცდომილების ზღვარი +- 2.3 პროცენტის ფარგლებშია“.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება