ირაკლი პეტრიაშვილი  სლოვაკეთში მიმდინარე შეხვედრაში მონაწილეობს

სლოვაკეთში PERC გენერალური საბჭოს მოსამზადებელი სამუშაო ჯგუფის შეხვედრა მიმდინარეობს. ამის შესახებ „ინტერპრესნიუსს“ საქართველოს პროფესიული კავშირების გაერთიანებიდან აცნობეს.

ღონისძიებაში პროფკავშირების მსოფლიო კონფედერაციის და ევროპის პროფკავშირების კონფედერაციის წარმომადგენლებიც მონაწილეობენ, ხოლო შეხვედრას პროფკავშირების პან ევროპული რეგიონული საბჭოს პრეზიდენტი ირაკლი პეტრიაშვილი უძღვება.

ირაკლი პეტრიაშვილმა დამსწრე საზოგადოებას მისასალმებელი სიტყვით მიმართა. მისი განცხადებით, აუცილებელია საერთაშორისო საზოგადოებამ დროულად და ადეკვატურად გასცეს პასუხი თანამედროვეობის გამოწვევებს. იმ ფონზე, როდესაც გლობალურად დგას დემოკრატიის დეფიციტის, ჰუმანიტარული და ეკოლოგიური პრობლემები, რიგი ქვეყნების ლიდერები სოციალური დიალოგის წარმოების ნაცვლად ამჯობინებენ კონფლიქტებსა და შეიარაღების გაზრდაზე გააკეთონ აქცენტი. შესაბამისად, საერთაშორისო დემოკრატიულ საზოგადოებას, საერთაშორისო პროფკავშირულ მოძრაობას და პან ევროპული რეგიონული საბჭოს რეგიონის ქვეყნების პროფესიულ ორგანიზაციებს განსაკუთრებით, ესაჭიროებათ იყვნენ მაქსიმალურად აქტიური არსებული გამოწვევების ადეკვატური გადაწყვეტილებების ძიების პროცესში.

ორდღიან კონფერენციაზე განსახილველ საკითხებს შორისაა მნიშვნელოვანი დოკუმენტები, მათ შორის ევროპის პროფკავშირების რეგიონული საბჭოს კონსტიტუცია და მისი მუხლები, პროფკავშირების საერთაშორისო კონფედერაციის და ევროპის პროფკავშირების კონფედერაციის ჩართულობა გლობალური მნიშვნელობის საკითხებში. შეხვედრის მონაწილეები მსჯელობენ მულტინაციონალურ კომპანიებსა და კორპორაციებში დასაქმებულთა უფლებრივ მდგომარეობაზე, სხვადასხვა ქვეყნებში პროფკავშირის შიდა დემოკრატიის გამოწვევებსა და კრიზისებზე, პროფკავშირებს შორის ურთიერთობებზე და მათ როლზე.

შეხვედრის მონაწილეებმა ბელორუსის დამოუკიდებელი პროფკავშირის „ბიტუს“ მიმართ მხარდაჭერაც გამოხატეს, რომელიც ბოლო პერიოდში სერიზული ზეწოლის ობიექტი გახდა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ