“ევროპული საქართველო” პარლამენტს იუსტიციის საბჭოს 3 არამოსამართლე წევრისთვის უფლებამოსილების შეწყვეტის თაობაზე მიმართავს

”თავისუფალი დემოკრატებისა” და “ევროპული საქართველოს” საარჩევნო ბლოკის მთაწმინდის მაჟორიტარობის კანდიდატის შალვა შავგულიძის ინიციატივით, “ევროპული საქართველო” პარლამენტს იუსტიციის უმაღლესი საბჭოს სამი არამოსამართლე წევრის - შოთა ქადაგიძის, ლევან გზირიშვილისა და ზაზა ხარებავასთვის უფლებამოსილების ვადამდე შეწყვეტის თაობაზე მიმართავს.

ინიციატორთა განცხადებით, აღნიშნულმა პირებმა 2018 წლის დასასრულს იუსტიციის უმაღლესი საბჭოს მოსამართლე წევრებთან ერთად, საქართველოს პარლამენტს თვითნებურად წარუდგინეს უზენაესი სასამართლოს მოსამართლეობის კანდიდატთა 10 ადამიანისგან შემდგარი სია, ყოველგვარი კანონიერი პროცედურისა და განსაზღვრული კრიტერიუმების გარეშე.

მათივე შეფასებით, შოთა ქადაგიძეს, ლევან გზირიშვილს და ზაზა ხარებავას არათუ არ უცდიათ რაიმე ქმედითი ნაბიჯის გადადგმა შესაბამისი კრიტერიუმებისა და პროცედურების ჩამოსაყალიბებლად, არამედ მეტიც - მათ კითხვაც კი არ დაუსვამთ, თუ ვინ, როგორ და რა პრინციპით შეარჩია დასახელებული კანდიდატები.

“მათ ისე დაუჭირეს მხარი შემოთავაზებულ კანდიდატებს, რომ საერთოდ არ გამოუთქვამთ დაინტერესება, რომ ფორმალურად მაინც გასაუბრებოდნენ იმ 10 პირს, რომლებიც ჩამოწერილი იყვნენ იუსტიციის საბჭოს მდივნის მიერ წარმოდგენილ ფურცელზე. შოთა ქადაგიძემ, ლევან გზირიშვილმა და ზაზა ხარებავამ ამით დაადასტურეს მურუსიძე-ჩინჩალაძის კლანისადმი უპირობო მორჩილება, რაც ცხადყოფს, რომ ისინი მინიმალურ დონეზეც კი არ ასრულებენ საკუთარ მოვალეობას, შესაბამისად, მათ ვადაზე ადრე უნდა შეუწყდეთ იუსტიციის უმაღლესი საბჭოს წევრობის უფლებამოსილება”, - აცხადებენ “ევროპულ საქართველოში“.

იხილეთ ვიდეო: "ევროპული საქართველო" პარლამენტს იუსტიციის საბჭოს 3 არამოსამართლე წევრისთვის უფლებამოსილების შეწყვეტის თაობაზე მიმართავს

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ