თბილისის მერიასთან ახალგაზრდებმა გარემოს დაცვითი რეგულაციების გამკაცრების მოთხოვნით აქცია გამართეს. სტუდენტების მოთხოვნით ქვეყანაში მძიმე ეკოლოგიური მდგომარეობაა, ამიტომ საჭიროა რეგულაციების გამკაცრება. საინიციატივო ჯგუფის წევრებმა აღნიშნული მოთხოვნის დაკმაყოფილების მიზნით მერის სახელზე თბილისის მერიაში განცხადება შეიტანეს.
„ჩვენ ვართ სამოქალაქო აქტივისტები, "მწვანე კლუბი". სტუდენტები, ახალგაზრდები, რომლებიც ვაპროტესტებთ შექმნილ სიტუაციას, კატასტროფულ სიტუაციას ქვეყანაში, დაბინძურებულია საშინლად გარემო და მერიას ვთხოვთ, რომ უფრო მკაცრი და კონკრეტული რეგულაციები, უფრო საჭირო რეფორმები გაატაროს ამ მიმართულებით და ასევე ჩვენი მთავარი მოთხოვნაა, რომ შეიქმნას საორგანიზაციო სამუშაო ჯგუფი, სადაც ჩვენ სტუდენტები, ახალგაზრდები ყველა დაინტერესებული მხარე ვიქნებით ჩართული და განვიხილავთ მიმდინარე რეფორმებს და რეგულაციებს", - განაცხადა გიორგი მაჭარაშვილმა.