გიგი უგულავას საქმეზე გოკა გაბაშვილსა და ხათუნა გოგორიშვილს კითხავენ

"ევროპული საქართველოს" ერთ-ერთი ლიდერის, გიგი უგულავას ბრალდების სისხლის სამართლის საქმეზე, რომელიც ე.წ. მარნეულის ეპიზოდს შეეხება, თბილისის საქალაქო სასამართლოში მოწმის სახით გოკა გაბაშვილსა და ხათუნა გოგორიშვილს კითხავენ.

საქმე შეეხება 2014 წლის 5 ივნისს, მარნეულში მომხდარ ინციდენტს, სადაც უგულავას იძულებასა და ჯგუფური მოქმედების ორგანიზებას ედავებიან.

როგორც გოკა გაბაშვილმა პროცესის დაწყებამდე ჟურნალისტებს განუცხადა, აღნიშნული საქმე პოლიტიკურია.

„ეს იყო ჩვეულებრივი პოლიტიკური პროტესტი, მარნეულში თბილისიდან ჩავედით იმისთვის, რომ სიტუაცია კიდევ უფრო არ დაძაბულიყო, რასაც ხელისუფლება აკეთებდა, ის ძაბავდა სიტუაციას, ის ძალიან უზნეო და საზოგადოების დამაზიანებელი არგუმენტებით ებრძოდა მაშინ ახმედ იმამკულიევს. ჩვენ მაშინ ყველაფერი გავაკეთეთ იმისთვის, რომ სიტუაცია დარჩენილიყო პოლიტიკური პროტესტის ფარგლებში, რაც ასეც იყო. ამ საქმით სასამართლოში მოსვლა უზნეობა და უნამუსობაა", - განაცხადა გაბაშვილმა.

ცნობისთვის, 2014 წელს, "ნაციონალური მოძრაობიდან" მარნეულში კენჭს იმამკულიევი იყრიდა. მისი კანდიდატურის საარჩევნო სიიდან მოხსნის გასაპროტესტებლად მარნეულში ოპოზიციის ლიდერები ჩავიდნენ, რასაც საპროტესტო აქცია მოჰყვა. სწორედ აღნიშნულ აქციაზე ედავებიან გიგი უგულავას იძულებას და ჯგუფური მოქმედების ორგანიზებას.

იხილეთ ვიდეო

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა