ქეთევან ციხელაშვილი - ხეობის განვითარებასთან ერთად, ჩვენი ამოცანაა, რომ პანკისის მოსახლეობა კიდევ უფრო მეტად ჩაერთოს ქვეყნის ცხოვრების სხვადასხვა სფეროში

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი რეგიონალური განვითარებისა და ინფრასტრუქტურის მინისტრთან, ვიცე-პრემიერთან მაია ცქიტიშვილთან ერთად პანკისის ხეობაში იმყოფება, სადაც შეხვედრები იმართება.

შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, თავდაპირველად მინისტრები ახმეტის მუნიციპალიტეტის სოფელ ყვარელწყალში ახალგაზრდებს შეხვდნენ და მათთან ხეობაში დაგეგმილი ინფრასტრუქტურული პროექტების შესახებ ისაუბრეს.

მათივე ცნობით, საუბარი სხვა თემებსაც შეეხო. მათ შორის განათლების მიმართულებით მოსალოდნელ ცვლილებებს, ტურიზმის განვითარების მიზნით დაგეგმილ ნაბიჯებს, ჰესებს და ა.შ. შეხვედრას ესწრებოდა თემირლან მაჩალიკაშვილის დედაც - მედიკო მარგოშვილი.

„მიხარია, რომ კიდევ ერთხელ ვარ ხეობაში. პანკისში თვენახევრის წინაც გახლდით, მოსახლეობის სხვადასხვა ჯგუფს შევხვდით. დღეს ვიცე-პრემიერ მაია ცქიტიშვილთან ერთად ვიმყოფები აქ იმისათვის, რომ კიდევ უფრო ხელშესახები და კონკრეტული გავხადოთ ის გეგმები, რომლებიც მთავრობას პანკისის ხეობისა და ზოგადად სხვადასხვა რეგიონის განვითარების თვალსაზრისით აქვს. მოგეხსენებათ, მთავრობის პრიორიტეტი რეგიონების გაძლიერებაა. ხეობის განვითარებასთან ერთად, ჩვენი ამოცანა, ბუნებრივია ისაა, რომ პანკისის მოსახლეობა კიდევ უფრო მეტად ჩაერთოს ქვეყნის ცხოვრების სხვადასხვა სფეროში. აბსოლუტური პრიორიტეტი, ინფრასტრუქტურასთან ერთად, ბუნებრივია, განათლება გახლავთ. ახლა სწორედ ახალგაზრდების ჯგუფს შევხვდით მათი ინიციატივით და მოხარული ვიქნები, თუ ხეობიდან კიდევ უფრო მეტი ახალგაზრდა ჩაერთვება. ამას მხოლოდ წავახალისებთ. მე მათ კონკრეტულ გეგმებზე ვესაუბრე. მათ შორის იმ შესაძლებლობებზე, რაც უმაღლესი განათლების საფეხურზე პანკისის ხეობის ახალგაზრდებისათვის გამოყოფილი კვოტების გაზრდის თვალსაზრისით არსებობს. ზოგადად, განათლების მიმართულება სახელმწიფოსათვის უმთავრესი პრიორიტეტი ხდება, მათ შორის ბიუჯეტიდან ასიგნებების თვალსაზრისით და მგონია, რომ ეს ხეობაზეც თავის დადებით ეფექტს აუცილებლად იქონიებს,“ – განაცხადა ქეთევან ციხელაშვილმა.

მოგვიანებით მინისტრებმა სოფელ მატანში გადაინაცვლეს, სადაც მოსახლეობასთან გაიმართა შეხვედრა. მათ სოფლის მცხოვრებლებისაგან მატანის და ზოგადად, ხეობის საჭიროებების შესახებ მიიღეს ინფორმაცია. ისაუბრეს გამოწვევების გადაჭრის გზებსა და გეგმებზე.

პანკისის ხეობაში შეხვედრები გრძელდება.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა