რომან კაკულია - ნუ შემიყვანთ წამსვლელ-მომსვლელების ნურც ერთ სიაში - მე თუ მომინდება ვინმესთან პიროვნული ასოცირება, ამას თვითონ დავაანონსებ

შემოდგომაა ის პერიოდი, როდესაც „ქართული ოცნების" თითოეული წევრი გაცილებით უფრო მყარად უნდა იყოს ჩამოყალიბებული იმასთან დაკავშირებით, თუ როგორი უნდა იყოს "ქართული ოცნების" ახალი სახე, - ამის შესახებ დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულიამ მისი მმართველ პარტიაში დარჩენა-არ დარჩენის საკითხის კომენტირებისას განაცხადა.

მისი თქმით, თუ ამ პერიოდში არ მოხდება გარკვეული საკითხების გაანალიზება, რომელიც გუნდის საბოლოოდ ჩამოყალიბებას უკავშირდება, ამან, შესაძლოა, დისკომფორტი შექმნას.

„ნუ შემიყვანთ ნურც ერთ სიაში ამ წამსვლელ-მომსვლელების. მე თუ მომინდება ვინმესთან პიროვნული ასოცირებულობა, ამას თვითონ დავაანონსებ. შემოდგომა არის ის პერიოდი, როდესაც „ქართული ოცნების" თითოეული წევრი გაცილებით უფრო მყარად უნდა იყოს ჩამოყალიბებული იმასთან დაკავშირებით, თუ როგორი უნდა იყოს ახალი ფორმატი და ახალი სახე „ქართული ოცნების“, რომლითაც ის წარსდგება მომავალში არჩევნებზე. თუ ბევრი რამ, რაც გასაანალიზებელია ამ პერიოდში, იმის სათანადოდ გაანალიზება ვერ მოხდება, ცხადია, ეს გარკვეულ დისკომფორტებს შექმნის და ამის უტრირებას მე გთხოვთ, რომ ნუ ახდენთ“, - განაცხადა რომან კაკულიამ.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 18.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან