როგორც ეტყობა, ამ ქვეყანაში ფულის მოპარვა კანონით აღარ ისჯება, - ასე აფასებს დეპუტატი დავით ჭიჭინაძე არასამთავრობო ორგანიზაცია „საერთაშორისო გამჭვირვალობა- საქართველოს“ მიერ კორუფციის შესახებ საზოგადოებრივი აზრის გამოკითხვის შედეგებს.

„თუ ეს ასეა, მაშინ მთავრობა უკვე გასაქცევად ემზადება, ბოლოში იპარავენ. ფულს იპარავენ, აბა თქვენ (ჟურნალისტებს) ვერ მოგიპარავენ -კანონით ისჯება“, - განუცხადა ჟურნალისტებს დავით ჭიჭინაძემ.

არასამთავრობო ორგანიზაციამ „საერთაშორისო გამჭვირვალობა – საქართველო“ კორუფციის შესახებ საზოგადოებრივი აზრის გამოკითხვის შედეგები წარადგინა.

კვლევის თანახმად, საქართველოში გავრცელებულია თანამდებობის პირთა მიერ უფლებამოსილების პირადი გამორჩენისთვის გამოყენება, ხოლო ხელისუფლება ასეთ შემთხვევებზე სათანადოდ არ რეაგირებს. ამავე დროს, წვრილმანი კორუფციის შემთხვევები კვლავაც უკიდურესად იშვიათია.