ფონდი „ქართუს“ თავმჯდომარე -  სამების საკათედრო ტაძრის მოხატვა სოლიდურ თანხასთან, მილიონებთან არის დაკავშირებული

სამების საკათედრო ტაძრის მოხატვა სოლიდური თანხის, მილიონების საკითხია, - ამის შესახებ „ინტერპრესნიუსს“ ფონდი „ქართუს“ გამგეობის თავმჯდომარემ, ნიკოლოზ ჩხეტიანმა განუცხადა.

მისივე თქმით, ტაძრის მოხატვის ხარჯები ჯერ დაანგარიშებული ზუსტად არ არის, თუმცა ეს საკმაოდ ძვირი სამუშაოა.

„ფონდი ისედაც უკვე აწარმოებს სამუშაოებს სამების მოხატვასთან დაკავშირებით და გააგრძელებს ამ სამუშაოებს მომავალშიც. ტაძრის საკურთხევლის ნაწილი, ანუ ცენტრალური ნაწილი, რომელიც საკურთხევლის თავზე მდებარეობს, უკვე მოხატულია და ეს სამუშაოებიც დაფინანსებულია „ქართუს“ მიერ. ეს საკმაოდ დიდი, სოლიდური თანხებია, მოგეხსენებათ, მოხატვა საკმაოდ ძვირიან სამუშაოს ნიშნავს. სამება საქართველოში ყველაზე დიდი ტაძარია, მისი შიდა კედლების ფართი 23 000 კვადრატულ მეტრამდეა. თანხები ზუსტად დაანგარიშებული ამ ეტაპზე არ არის, ეს მილიონების საკითხია, ძალიან ძვირია და რა თქმა უნდა, პროცესია ხანგრძლივია, რადგან ეს ის თემაა, რომელიც ვერ იტანს აჩქარებას. მოხატვა არ არის სხვა ტიპის სამშენებლო სამუშაო“, - აღნიშნა ჩხეტიანმა.

შეგახსენებთ, საპატრიარქოს მიერ გუშინ გავრცელებული ინფორმაციით, „ქართული ოცნების“ თავმჯდომარე ბიძინა ივანიშვილი სამების საკათედრო ტაძრის სრულად მოხატვას დააფინანსებს.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა