ჩეხეთის წამყვანი მედიასაშუალებების ჟურნალისტები საქართველოს ეწვივნენ

ავიაკომპანია „ჯორჯიან ეარვეისის“ მოწვევით და ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, National Geographic-ის, Forbes-ის, Vogue-ის, Cosmopolitan-ის ჩეხური რედაქციების წარმომადგენლებისა და სხვა წამყვანი მედიასაშუალებების ჟურნალისტებისთვის პრესტური გაიმართა. ამის შესახებ „ინტერპრესნიუსს“ „ჯორჯიან ეარვეისიდან“ აცნობეს.

მათი ინფორმაციით, ჟურნალისტებმა ყვარელი, თელავი და წინანდალი მოინახულეს.

„ჩეხეთიდან პრესტური ჩეხეთის რესპუბლიკაში საქართველოს საელჩოს თანამონაწილეობით გაიმართა. ჟურნალისტები საქართველოს ტურისტული მიმართულების, ქართული კერძების, ღვინის და კულტურის შესახებ სტატიებს მოამზადებენ. ავიაკომპანია „ჯორჯიან ეარვეისი“ ჩეხეთის დედაქალაქ პრაღაში თბილისიდან პირდაპირ ორმხრივ ავიარეისებს ყოველ სამშაბათს, პარასკევს და კვირას ასრულებს. სტატისტიკური მონაცემებით, 2019 წლის 3 თვეში, გასული წლის ანალოგიურ პერიოდთან შედარებით, ჩეხეთიდან საქართველოში 66.8%-ით მეტი საერთაშორისო ვიზიტი შედგა“, - აღნიშნულია „ჯორჯიან ეარვეისის“ მიერ გავრცელებულ ინფორმაციაში.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა