"ჯორჯიან მანგანეზმა" ზესტაფონში ქარსაცავი ზოლის მოწყობის მეორე ეტაპი დაიწყო

„ჯორჯიან მანგანეზის" ხელშეწყობით, ზესტაფონის მუნიციპალიტეტში, ფეროშენადნობთა ქარხნის მიმდებარე ტერიტორიაზე, სოფელ საქარის თემთან, ქარსაცავი ზოლის მოწყობის მეორე ეტაპი დაიწყო.

"ჯორჯიან მანგანეზის“ ინფორმაციით, პროექტს „ქარსაცავი ზოლი თემის მხარდასაჭერად" არასამთავრობო ორგანიზაცია „ქალები მომავლისთვის", სტრატეგიული კვლევისა და განვითარების ცენტრი (CSRDC) და ზესტაფონის მერია კომპანია „ჯორჯიან მანგანეზთან" ერთად ახორციელებენ.

მათივე ცნობით, ფეროშენადნობთა ქარხნის დირექტორის, ვასილ გველესიანის თქმით, აღნიშნული პროექტი ზესტაფონისთვის ძალიან მნიშვნელოვანია და პროექტის მიზანია, წლის ბოლომდე 4 500-მეტრიანი ქარსაცავი ზოლი მოეწყოს.

„პროექტის პირველ ეტაპზე, ნერგები ორ ზოლად უკვე დაირგო. ახლა მეორე ეტაპი მიმდინარეობს. პროექტი არასამთავრობო ორგანიზაციასთან „ქალები მომავლისთვის" ერთად ხორციელდება და მასში ჩართულია მოსახლეობაც. მწვანე საფარის ამ საქარე ზოლის დანიშნულებაა, საწარმოსთან ტერიტორიულად ყველაზე ახლომდებარე დასახლება - სოფელ საქარის თემი დაიცვას ატმოსფეროში გაფრქვეული სამრეწველო მტვრის იმ ნაწილაკებისაგან, რომლებიც ჰაერში სწორედ საწარმოო პროცესების შედეგად ხვდება“, - განაცხადა ვასილ გველესიანმა.

გარემოსდაცვითი პროექტის მესამე ეტაპი შემოდგომაზე განხორციელდება და წლის ბოლომდე 1500 ნერგი დაირგვება.

იხილეთ: https://www.youtube.com/watch?v=FvIbij-kOOw&feature=youtu.be&fbclid=IwAR0WTkj5nHIPwMB1mUmutajOIMnMbTnU4fSPiF_DzOEAAler5Xj3aWzW2cI

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო